Karnataka: కర్ణాటక రాష్ట్రాన్ని హిజాబ్ వివాదం కుదిపేస్తోంది. వస్త్రధారణపై రెండు వర్గాల విద్యార్ధుల మధ్య ఘర్షణలు చోటుచేసుకోవడంతో తీవ్ర ఉద్రిక్తతలకు దారి తీసింది. దీంతో రాష్ట్ర ప్రభుత్వం మూడు రోజుల పాటు విద్యాసంస్థలకు సెలవు ప్రకటిస్తూ కీలక నిర్ణయం తీసుకుంది. నిన్న ఉడుపి, బెళగాని, కలబురగి సహా పలు ప్రాంతాల్లో హిజాబ్, కాషాయ వస్త్రదారణలతో విద్యార్ధులు కళాశాలలకు రావడం తీవ్ర ఉద్రిక్తతలకు దారి తీసింది. కొన్ని చోట్ల ఇరువర్గాల మధ్య ఘర్షణలు కూడా చోటుచేసుకున్నాయి.
Read More: Chandrababu: పొత్తుల ప్రసక్తి లేకుండా చంద్రబాబు న్యూ స్ట్రాటజీ..? వర్క్‌ అవుట్ అయ్యేనా..?
Karnataka: శివమొగ్గలో ప్రైవేటు బస్సులపై రాళ్లదాడి
శివమొగ్గలోని బాపూజీనగర్ ప్రభుత్వ ప్రీ యూనివర్శిటీ కళాశాల పరిసర ప్రాంతాల్లో నిరసన తెలుపుతున్న విద్యార్ధులను చెదరగొట్టేందుకు పోలీసులు లాఠీ చార్జి కూడా చేశారు. దీంతో ఆగ్రహించిన విద్యార్ధులు జూనియర్ కళాశాల సమీపంలో ప్రైవేటు బస్సులపై రాళలు రువ్వారు. ఈ ఘటనలో పలువురు విద్యార్ధులు గాయపడినట్లు సమాచారం. ఈ నేపథ్యంలో శివమొగ్గలో పోలీసులు అవాంఛనీయ సంఘటనలు జరగకుండా ఉండేందుకు ముందు జాగ్రత్త చర్యగా 144 సెక్షన్ విధించారు.
మూడు రోజులు విద్యాసంస్థలు మూసివేత
ఈ క్రమంలో ప్రభుత్వం అప్రమత్తమైంది. ముఖ్యమంత్రి బసవరాజు బొమ్మై కీలక ప్రకటన చేశారు. రాష్ట్రంలో కళాశాలు, పాఠశాలలకు మూడు రోజుల పాటు మూసివేస్తున్నట్లు ప్రకటించారు. రాష్ట్రంలో తిరిగి శాంతియుత వాతావరణం నెలకొనేందుకు అందరూ సహకరించాలని ఆయన కోరారు. మరో వైపు హిజాబ్ అంశం కర్ణాటక హైకోర్టులో విచారణకు వచ్చింది. అల్లర్లు, ఘర్షణల పట్ల హైకోర్టు తీవ్ర అసంతృప్తి వ్యక్తం చేసింది. విద్యార్దులు సంయమనం పాటించాలని సూచించింది.
Read More: TDP Congress : టీడీపీ యూటర్న్..! ఒంటరిగానే పోటీ..!?
