KGF 2 : ప్రస్తుతం దేశవ్యాప్తంగా సినిమా అభిమానులంతా ఎదురు చూస్తున్న భారీ చిత్రాలలో ‘కేజిఎఫ్-2’ ప్రధానమైనది అని చెప్పాలి. ఈ సినిమా మొదటి భాగం చివరలో పెట్టిన సస్పెన్స్…. ఆ సినిమా తెచ్చిన హైప్ అంతా ఇంతా కాదు. ఈ సినిమా ఎప్పుడెప్పుడు రిలీజ్ అవుతుందా అని అందరూ కళ్లు కాయలు కాచేలా ఎదురుచూస్తున్నారు. కన్నడ రాకింగ్ స్టార్ యశ్…. ప్రశాంత్ నీల్ దర్శకత్వంలో విడుదలవుతున్న కే జి ఎఫ్ పార్ట్ 2 టీజర్ కూడా అంచనాలను భారీగా పెంచేసింది.
దీంతో రెండో భాగం చాలా అద్భుతంగా ఉండబోతోందని సగటు ప్రేక్షకుడు ఫిక్స్ అయిపోయాడు. ఇక ఈ టీచర్ అయితే అంతకు మించి అన్నట్లుగా మొదటి పార్ట్ ను మించిపోయిన యాక్షన్ సీక్వెన్సులతో సినిమా ఉండబోతున్నట్లు కనబడుతోంది. యూట్యూబ్లో కూడా అదే సత్తా కనబర్చింది. కన్నడ సినిమా ఇండస్ట్రీ నుంచి ఒక సినిమా ఇంత హైప్ తో రిలీజ్ కావడం ఇదే మొదటి సారి. మొదటి అర్ధభాగం మాదిరిగానే రెండవ భాగం కూడా ఇండియన్ బాక్సాఫీస్ ను షేక్ చేయడం ఖాయమని ట్రేడ్ అనలిస్టులు భావిస్తున్నారు.
మొత్తానికి ఈ సినిమా విడుదలైన తర్వాత ఫలితం ఎలా ఉంటుందో కానీ… ప్రస్తుతం నిర్మాతలు ఈ హైప్ ను క్యాష్ చేసుకునే పనిలో ఉన్నారు. ఈ చిత్ర ప్రీ- రిలీజ్ బిజినెస్ ఆకాశాన్ని తాకుతున్నట్లు సమాచారం. ఇప్పటికే ఈ సినిమా భారీ ధర పలికిందట. విదేశాల్లో ఈ చిత్రాన్ని ప్రదర్శించే హక్కులను పొందాలంటే ఏకంగా 80 కోట్ల రూపాయలు చెల్లించాలని చెబుతున్నారట.
ఇప్పటి వరకూ విదేశాల్లో విదుదలైన భారత సినిమాలతో పోలిస్తే ఈ ధర చాలా ఎక్కువ. కనీసం బాహుబలి కూడా ఇంత రేటు కాకపోవడం గమనార్హం. అయినప్పటికీ డిస్ట్రిబ్యూటర్లు బేరం ఆడేందుకు రెడీగా లేరట. ఎంత అడిగితే అంతకు కొనేసి లాభాలు దున్నుకుందామనే యోచనే ఉందట . దీంతో ఈ సినిమా కనుక 80 కోట్ల వరకు సాధిస్తే అది దేశంలోనే కొత్త రికార్డు అవుతుంది. మరి అంత డబ్బులు పెట్టి ఓవర్సీస్ హక్కులు కొనేందుకు డిస్ట్రిబ్యూటర్లు రెడీగా ఉన్నారా…? అన్న విషయం తెలియాలంటే కొద్దిగా వెయిట్ చేయాల్సిందే.