సౌత్ ఇండియన్ ఫిలిం ఇండస్ట్రీలో కన్నడ సినిమాల గురించి చెప్పాలంటే కెజిఫ్ కు ముందు కెజిఫ్ తరువాత అనే అంతలా కెజిఫ్ సినిమా కన్నడ సినీ ఇండస్ట్రీ కి పేరు తెచ్చి పెట్టింది. కెజిఫ్ కు ముందు కన్నడం సినిమాలకు, కన్నడ డైరెక్టర్లు, హీరోలకు కానీ పెద్దగా రికార్డులు ఏమి లేవు. దీని వెనుక ఉన్న కారణం ఏమిటంటే ఆ చిత్ర పరిశ్రమ అక్కడి సినిమాలు ఇక్కడకు, ఇక్కడి సినిమాలు అక్కడకు రాకూడదు అని ఏర్పాటు చేసుకున్న నిబంధనే.
అయితే, ఈ నిబంధనలన్నీ KGF పార్ట్ 1 రిలీజ్ అయ్యాక పూర్తిగా మారిపోయాయి. పాన్ ఇండియా లెవెల్ లో రిలీజ్ అయిన ఈ సినిమా ప్రభావం ఇండియన్ సినిమాపై అంతా ఇంతా కాదు. ఈ సినిమాను ఐదు భాషల్లో విడుదల చేశారు. ఆశ్చర్యం ఏమిటంటే ఎవ్వరు ఊహించని విధంగా అన్ని చోట్లా ఈ సినిమా సూపర్ డూపర్ హిట్గా నిలిచింది. కెజిఫ్ సినిమాతో కన్నడ సినిమా తన స్టామినాను దేశ వ్యాప్తంగా తెలియజేసింది.
ఇంతటి విజయం సొంతం చేసుకున్న కెజిఫ్ ఇప్పుడు సీక్వెల్ కు సిద్దమవుతున్న విషయం తెలిసిందే. కెజిఫ్ 1 లో హీరో రాఖీ బాయ్ గరుడను చంపి కేజీఎఫ్ను తన సొంతం చేసుకుంటాడు. ఇక చాప్టర్ 2లో అధీర రూపంలో మరో శత్రువుతో హీరో తలపడనున్నాడు.
తాజాగా ఈ సినిమా నిర్మాతల్లో ఒకరైన కార్తీక్ గౌడ తన సోషల్ మీడియాలో లైవ్ చాట్ నిర్వహించిన విషయం తెలిసిందే. ఈ నేపథ్యంలో ఓ నెటిజెన్ ఆయనను KGF Chapter 2 టీజర్ను ఎప్పుడు విడుదల చేస్తున్నారని అడగగా దానికి సమాధానంగా ‘మన హీరో గారి పుట్టినరోజు, అనగా జనవరి 8న టీజర్ రిలీజ్ చేయడానికి ప్లాన్ చేస్తున్నాం” అని ఆయన వెల్లడించాడు.