Samantha: సమంత టైం బావుంది. నవ్విన నాపచేనే పండుతుంది అన్న మాదిరిగా, విడాకుల అనంతరం సమంతని ఓ వర్గం వారు విపరీతంగా ట్రోల్ చేసారు. దాని తరువాత తనకు అవకాశాలు రావని అందరు భ్రమ పడ్డారు. ఇపుడు వాటన్నిటినీ తలకిందులు చేస్తూ సమంత దూసుకు పోతోంది. ఓ వైపు వెబ్ సిరీస్ లు, మరో వైపు పాన్ ఇండియా సినిమాలు, ఇంకోవైపు లేడి ఓరియంటెడ్ సినిమాలతో ఆమె జీవితం మూడు పూవులు, ఆరు కాయలుగా వర్ధిల్లుతోంది.
Samantha: సమంత నుండి రాబోతున్న సినిమాల లిస్ట్ ఇదే..
గుణశేఖర్ దర్శకత్వంలో రాబోతున్న ‘శాకుంతలం’ సినిమా గురించి అందరికీ తెలిసినదే. ఈ సినిమా కథానాయక ప్రాధాన్యమున్న సినిమా. శకుంతలా దేవి పాత్రలో సమంత ఇరగదీయనుందని సమాచారం. తరువాత సినిమా ‘యశోద’. ఈ సినిమాను శ్రీదేవి మూవీస్ పతాకంపై శివలెంక కృష్ణ ప్రసాద్ నిర్మిస్తున్నారు. హరి – హరీష్ దర్శకులుగా ఈ సినిమా ద్వారా వెండి తెరకు పరిచయం అవుతున్నారు. వరలక్ష్మీ శరత్ కుమార్, ఉన్ని ముకుందన్, రావు రమేశ్, మురళీ శర్మ తదితరులు ఈ సినిమాలో నటిస్తున్నారు.
అత్యంత ప్రతిష్టాత్మకంగా తెరకెక్కుతున్న సినిమా ఇదే..
సమంత ప్రధాన పాత్రలో ప్రతిష్టాత్మకంగా తెరకెక్కిస్తున్న సినిమా పేరే ‘యశోధ’. తాజాగా ఈ సినిమా సెకండ్ షెడ్యూల్ మొదలైంది. ఇకపోతే ఈ సినిమా పాన్ ఇండియా సినిమాగా తెలుగు, తమిళ, కన్నడ, మలయాళ, హిందీ భాషల్లో ఏక కాలంలో విడుదల కాబోతోంది. ఈ చిత్రానికి మణిశర్మ సంగీతం ఇవ్వడం గమనార్హం. ఈ సినిమాకోసం అద్భుతమైన సంగీతం కోసం ఆయన్ని ఏరికోరి మరీ ఎంచుకున్నారట. ఏది ఏమైనా సమంత ఈ కొత్త సంవత్సరంలో దూసుకువెళ్లడం ఖాయం అంటున్నారు సినీ ప్రముఖులు.