Kiara advani : కియారా అద్వానీ క్రేజ్ ఇప్పుడు బాలీవుడ్ లో ఏ రేంజ్ లో ఉందో ప్రత్యేకంగా చెప్పనవసరం లేదు. నట వారసురాళ్ళు బాలీవుడ్ ని ఏలుతున్న తరుణంలో కియార అద్వానీ వచ్చి ఎవరి అండ దండలు లేకుండా స్టార్ హీరోయిన్ గా ఎదిగింది. దీపిక పదుకొణె, ప్రియాంక చోప్రా, పరిణీతి చోప్రా, ఆలియా భట్, కంగన రనౌత్ ..లాంటి స్టార్ హీరోయిన్స్ తో పోటీ పడి కియారా టాప్ ప్లేస్ కి చేరుకుందంటే కెరీర్ ప్రారంభం నుంచి ఎంతగా కష్టపడిందో అర్థం చేసుకోవచ్చు. కియారా టాలెంటెడ్ హీరోయిన్.
తన టాలెంట్ తో ఎలాంటి పాత్రలో అయినా నటించి ఇండస్ట్రీ ప్రముఖులతో ప్రశంసలు అందుకుంది. విమర్శకుల నుంచి టాలెంటెడ్ హీరోయిన్ అని చెప్పేలా కష్టపడింది. లస్ట్ స్టోరీస్ లాంటి బోల్డ్ పాత్రల్లో నటించి ఛాలెంజింగ్ పాత్రలకి ఎప్పుడు రెడీ అంటు మేకర్స్ కి క్లారిటీ ఇచ్చింది. ఇక ఎంచుకున్న కథ కి ఆ కథలోని తన పాత్రకి వందకి వందశాతం న్యాయం చేయడానికి ఎంతగా తాపత్రయపడుతుందో ఇప్పటికే బాలీవుడ్ తో పాటు టాలీవుడ్ మేకర్స్ కూడా చెప్పుకొచ్చారు.
Kiara advani : కియారా అద్వానీ లాంటి హీరోయిన్ మళ్ళీ ఇప్పట్లో మళ్ళీ బాలీవుడ్ కి రాదన్న టాక్ కూడా వినిపిస్తోంది.
ఇంత టాలెంట్ ఉంది కాబట్టే టాలీవుడ్ లో సినిమాలు చేసే సమయం కూడా దొరకకుండా బాలీవుడ్ లోనే వరసగా సినిమాలు చేస్తూ బిజీగా ఉంది. అంతేకాదు ఇప్పుడు ఇంటర్నేషనల్ బ్రాండ్ ప్రాడెక్ట్స్ కి అంబాసిడర్ గా వ్యవహరిస్తోంది. ఇప్పటికే పలు కార్పొరెట్ బ్రాండ్స్ తన ఖాతాలో ఉన్నాయి. ఇంతక ముందు బాలీవుడ్ స్టార్ హీరోయిన్స్ ప్రమోట్ చేసిన బ్రాండ్స్ కి ఇప్పుడు కియారా ప్రమోటర్ గా ఉంది. నైకా వంటి ప్రఖ్యాత బ్రాండ్లకు కియరా ప్రమోషన్ చేస్తోంది. ఒప్పో, హౌసింగ్ డాట్ కాం, పారాచూట్, మెబాజ్.. ఇలా చాలా బ్రాండ్స్ కి కియారా ప్రమోటర్. ఇక వీటి ద్వారా సినిమాకంటే ఎక్కువగా రెమ్యూనరేషన్ అందుకుంటోంది. ఇలాంటి హీరోయిన్ మళ్ళీ ఇప్పట్లో మళ్ళీ బాలీవుడ్ కి రాదన్న టాక్ కూడా వినిపిస్తోంది.