Child: స్కూల్ నుండి రాగానే
ఈ రోజుల్లో మొబైల్ అంటే చిన్న పిల్ల దగ్గరనుండి పెద్ద పిల్లల వరకు తెలియని వారు ఎవరు లేరు.. టీనేజ్ పిల్లలు అయితే ఫోన్లకు బాగా ఎడిక్ట్ అయిపోతున్నారు… ఒకరకం గా చెప్పాలంటే దీనికి కారణం తల్లిదండ్రులే(Parents) . స్కూల్ నుండి రాగానే ఫోన్ పట్టుకు కూర్చుంటారు ఇక ఆ గేమ్స్ ఈ గేమ్స్ అంటూ టైం అంతా వెస్ట్ చేస్తున్నారు. టీనేజ్ లో ఉన్నవారు అయితే వచ్చిన ప్రతీ కొత్త మోడల్ ని కొనేయాలని ప్రయత్నిస్తున్నారు.
Child: ఎక్కడ దొరికితే అక్కడ అప్పులు
ఆ ఆలోచన అసలు మంచిది కాదు అని అంటున్నారు నిపుణులు. అది వాళ్ళ భవిష్యత్తుకి అసలు ఏమాత్రం శ్రేయస్కరం కాదు అని హెచ్చరిస్తున్నారు…ఇది ఆర్ధిక జీవనాన్ని దెబ్బ తీస్తుంది అని అంటున్నారు . చిన్నప్పటి నుంచే ఫోన్ కి అలవాటు పడిన పిల్లలు మార్కెట్ లో ఏదైనా కొత్త ఫోన్ రాగానే వెంటనే కొనాలని ఆరాట పడిపోతున్నారట. ఇందుకోసం ఎక్కడ దొరికితే అక్కడ అప్పులు చేస్తున్నారు. ఉద్యోగాలు చేసే ఎక్కువ మంది యువత , క్రెడిట్ కార్డులతో వచ్చిన ప్రతీ కొత్త మోడల్ ఫోన్ కొనేస్తూ అప్పులపాలవుతున్నారు. కాలేజి ఏజ్ నుంచే అప్పులు చేసి కొత్త మొబైల్స్ (Mobiles) కొంటున్నారు. దానికి తగ్గట్టుగా ఇప్పుడు మార్కెట్ లో యువతను ఆకట్టుకునే విధం గా కొత్త కొత్త మోడల్స్ అందుబాటులోకి వస్తున్నాయి. వాటి కోసం యువత ఇళ్ళల్లో విలువైయిన వస్తువులను కూడా అమ్మేసే పరిస్థితిలోకి వెళ్లిపోతున్నారు.
భవిష్యత్తు ప్రమాదకరం గా
ఇక తల్లిదండ్రులు కొని ఇచ్చిన బండ్లు సైతం తాకట్టు పెట్టి కావలిసిన ఫోన్ కొనుక్కుంటున్నారు. విలాసాలకు అలవాటు పడి అప్పులు చేయడం, పది రూపాయల వడ్డీకి డబ్బు తీసుకోవడం వంటివి చేస్తున్నారు. ఇలాంటి వాటి వలన భవిష్యత్తు ప్రమాదకరం గా మారుతుంది. ఇలాంటి వాటికి అలవాటు పడిన వారి ఆర్ధిక జీవనం భవిష్యత్తులో ఇబ్బందికరం గా ఉంటుంది అని గమనించాలి.