టాలీవుడ్ ఇండస్ట్రీ డైరెక్టర్ కోనవెంకట్ సూపర్ స్టార్ రజనీకాంత్ పొలిటికల్ విషయం పై సంచలన వ్యాఖ్యలు చేశారు. ఇటీవల ఓ ప్రముఖ టీవీ న్యూస్ ఛానల్ కి ఇచ్చిన ఇంటర్వ్యూలో ఆంధ్రప్రదేశ్ రాజకీయాల గురించి మాట్లాడుతున్న రజిని పొలిటికల్ ఎంట్రీ గురించి కూడా కీలక కామెంట్లు చేశారు. ప్రస్తుతం తమిళనాడు రాజకీయాలలో చెప్పుకోదగ్గ రాజకీయ నేత ఎవరూ లేరని తెలిపారు.
మహామహుల అంతా కాలగర్భంలో కలిసిపోయారు అని, తమిళ రాజకీయాలలో చాలా వెలితి ఉందని పేర్కొన్నారు. అంతమాత్రమే కాకుండా సరైన టైంలో రజినీకాంత్ పొలిటికల్ ఎంట్రీ ఇస్తున్నారు అంటూ వ్యాఖ్యానించారు. ఒకవేళ జయలలిత, కరుణానిధి వంటి వారు ఉంటే రజినీకాంత్ పొలిటికల్ ఫీల్డ్ లోకి అడుగు పెడితే పెద్దగా ఉపయోగం ఉండేది కాదని స్పష్టం చేశారు.
ఇలాంటి మహామహులు తమిళ రాజకీయాలలో చాలా మంది జీవితాలను మార్చటం జరిగింది. సో వాళ్ళు ఈ టైం లో లేరు కాబట్టి రజినీకాంత్ తమిళ రాజకీయాల్లోకి రావాలి అంటూ కోన వెంకట్ పేర్కొన్నాడు. మరోపక్క రజినీకాంత్ తమిళ రాజకీయాల్లోకి వచ్చే ప్రసక్తే లేదు అంటూ ప్రకటన చేయడం జరిగింది. ఈ ప్రకటనతో తమిళనాడులో రజనీకాంత్ అభిమానులు ఫుల్ నిరుత్సాహంలో ఉన్నారు. పరిస్థితి ఇలా ఉండగా కోన వెంకట్ మాత్రం రజినీకాంత్ సరైన టైంలో పొలిటికల్ ఎంట్రీ ఇస్తున్నారు అంటూ వ్యాఖ్యలు చేయడం అందరికీ ఆశ్చర్యాన్ని కలిగిస్తోంది.