Koratala siva : కొరటాల శివ టాలీవుడ్లో సక్సస్ ఫుల్ డైరెక్టర్గా ఎలాంటి ఫాంలో ఉన్నాడో అందరికీ తెలిసిందే. ప్రభాస్ హీరోగా డెబ్యూ సినిమా మిర్చి నుంచి సూపర్ స్టార్ మహేష్ బాబు నటించిన భరత్ అనే నేను సినిమా వరకు చేసిన సినిమాలన్ని బాక్సాఫీస్ వద్ద భారీ కమర్షియల్ సక్సస్లను అందుకున్నాయి. నిర్మాతలకి భారీగా లాభాలు, హీరోలకి భారీ సక్సస్లు ఇస్తున్న దర్శకుడిగా కొరటాల టాలీవుడ్లో మంచి క్రేజ్ సంపాదించుకున్నాడు కొరటాల శివ. దాంతో ప్రతీ హీరో కొరటాల శివ దర్శకత్వంలో సినిమా చేయాలనుంటున్నారు.
ఈ క్రమంలో ప్రస్తుతం మెగాస్టార్ చిరంజీవి కొరటాల శివ దర్శకత్వంలో ఆచార్య సినిమా చేస్తున్నాడు. మెగా పవర్ స్టార్ కీలక పాత్రలో నటిస్తుండగా కాజల్ అగర్వాల్, పూజా హెగ్డే హీరోయిన్స్గా నటిస్తున్నారు. సంగీత, రెజీనా స్పెషల్ సాంగ్లో కనిపించబోతున్నారు. ఇప్పటికే ఈ సినిమా మీద దేశ వ్యాప్తంగా భారీ అంచనాలు ఏర్పడ్డాయి. మే 13న ఆచార్య సినిమాని భారీ స్థాయిలో రిలీజ్ చేసేందుకు సన్నాహాలు జరుగుతున్నాయి. కాగా కొరటాల శివ నెక్స్ట్ సినిమా కూడా రీసెంట్గా అనౌన్స్ అయిన సంగతి తెలిసిందే.
Koratala siva : కొరటాల సక్సస్ ట్రాక్ అని చెప్పుకుంటున్నారు.
యంగ్ టైగర్ ఎన్టీఆర్ 30వ సినిమాని కొరటాల శివ తెరకెక్కించబోతున్నాడు. పాన్ ఇండియన్ స్థాయిలో ఈ సినిమా ఉండబోతోందట. వాస్తవంగా ‘ఆర్.ఆర్.ఆర్’ తర్వాత త్రివిక్రమ్ దర్శకత్వంలో ఎన్టీఆర్ 30వ సినిమా చేయాల్సింది. హారికా అండ్ హాసిని క్రియేషన్స్ – ఎన్టీఆర్ ఆర్ట్స్ బ్యానర్ లో ఈ ప్రాజెక్టు రూపొందుతుందని గతేడాది వెల్లడించారు. అయితే అనూహ్యంగా ఆ సినిమా క్యాన్సిల్ అవడం..కొరటాల శివ లైన్ లోకి రావడం జరిగిపోయాయి. అయినా నందమూరి అభిమానులు కాంబినేషన్ మారినందుకు ఏ మాత్రం డిసప్పాయింట్ అవడం లేదట. కారణం కొరటాల సక్సస్ ట్రాక్ అని చెప్పుకుంటున్నారు.