kriti sanon : భాష ఏదైనా హీరోయిన్స్ మాత్రం సూపర్ స్టార్స్ తో కలిసి మళ్ళీ మళ్ళీ స్క్రీన్ షేర్ చేసుకోవాలని బాగా ఆరాటపడుతుంటారు. కొన్ని కాంబినేషన్స్ హిట్ పెయిర్స్ గా ఇండస్ట్రీ వర్గాలలో. అభిమానుల్లో ప్రేక్షకుల్లో మంచి క్రేజ్ తెచ్చుకుంటారు. సినిమా ఫ్లాపయినా కొన్ని కాంబినేషన్స్ మీద కూడా క్రేజ్ బాగానే ఉంటుంది. ఇక హీరోయిన్స్ విషయానికొస్తే ఒక హీరో నటించి ఫ్లాప్ అందుకున్నా మళ్ళీ ఆ హీరోతోనే నటించి బ్లాక్ బస్టర్ కొట్టాలని చూస్తుంటారు. అలాంటి వారిలో కృతి సనన్ కూడా ఉంది. ఈమె 1 నెనొక్కడినే అనే సినిమాతో తెలుగు ఇండస్ట్రీలో అడుగు పెట్టింది.
మొదట తెలుగు సినిమాతో కృతి కెరీర్ ప్రారంభించినప్పటికీ సక్సెస్ అయింది మాత్రం హిందీ సీమలోనే. బాలీవుడ్ ఇండస్ట్రీలో కృతి ఇప్పుడు మోస్ట్ వాంటెడ్ హీరోయిన్ గా వెలుగుతోంది. తెలుగులో మహేష్ తో ఒక సినిమా, నాగ చైతన్య తో ఒక సినిమా చేసింది. రెండు దారుణమైన పరాజయాలే. దాంతో ఇక్కడ లక్ కలిసి రాలేదు. అదే బాలీవుడ్ లో సీన్ రివర్స్. చేసిన ప్రతీ సినిమా హిట్. అందుకే అక్కడ క్రేజీ హీరోయిన్. ఆల్బం సాంగ్స్ కూడా చేస్తోంది. అవి కూడా ఈమెకి మంచి పేరు తెస్తున్నాయి.
kriti sanon : మహేష్ బాబుతో కలిసి మరోసారి నటించాలి.
ప్రభాస్ సరసన ఆదిపురుష్ అనే పౌరాణిక చిత్రంలో సీత పాత్ర పోషిస్తోంది. బాలీవుడ్ స్టార్ అక్షయ్ కుమార్ కి జంటగా బచ్చన్ పాండే, అలాగే భేడియా, హమ్ దో హమారే దో లాంటి చిత్రాలు నటిస్తోంది. చెప్పాలంటే రెండేళ్ళ వరకు కృతి సనన్ చాలా బిజీ. అయినా తన ఫేవరేట్ కో స్టార్ సూపర్ స్టార్ మహేష్ బాబు..ఆయనతో కలిసి మరోసారి నటించాలి..అంటోంది. ఆదిపురుష్ తో మళ్ళీ టాలీవుడ్ లో కూడా కనిపించబోతున్న కృతి సనన్ ఖచ్చితంగా తెలుగులో మళ్ళీ నటించే అవకాశాలున్నాయని చెప్పుకుంటున్నారు. చూడాలి మరి ఈమె లక్ ఈసారి ఎలా ఉందో.