Milk : సాధారణంగా మనం పాలు కోనడానికి వెళితే అర లీటర్ పాలు కావాలని, లేదా లీటర్ పాలు కావాలని అడుగుతాము. కానీ మీరు ఎప్పుడైనా కిలో పాలు కావాలని అడగడం, వినడం చూశారా..! కానీ కర్నూలు జిల్లాలో ఒక గ్రామంలో మాత్రం పాలు కిలోల లెక్కన పోస్తారు. ఆ విధంగా పాలు కిలోల పద్ధతిలో పోవడానికి గల కారణాలు ఏమిటో తెలుసుకుందాం..
కర్నూలు జిల్లాలోని రుద్రవరం మండలం డి.కొట్టాలలో అంతేనట. పాలను లీటర్లలో కాకుండా కొంత ప్రత్యేకంగా కిలోలలో లెక్కిస్తారు. ఆ గ్రామంలోని పాడి రైతులందరూ పాలను ఈ విధంగానే అమ్ముతుంటారు. పాలను అమ్మే రైతులు కిలో పాలు 33 రూపాయలతో అదికూడా అప్పటికప్పుడు బర్రెల నుంచి పితికి అమ్ముతారు. ఈ విధంగా ఈ గ్రామంలో కిలోల పరంగా పాలను అమ్మడానికి గల కారణాలు ఏమిటని ఆ గ్రామ పాడి రైతులను అడగగా…
ఆ గ్రామంలో పాల డైరీ వసతి లేకపోవడంతో పాలను ఈ విధంగా లీటర్లలో కాకుండా కిలోలలో విక్రయిస్తున్నారని తెలిపారు. ఈ విధంగా కిలోలలో పాలను అమ్మటం వల్ల వారు ఎంతో నష్టపోతున్నారని, పాలను అమ్మగా వచ్చిన డబ్బులు కేవలం గేదె పశుగ్రాసానికి,తవుడుకి మాత్రమే సరిపోతుందని వారు ఆవేదన తెలియజేశారు. ఉదయం సాయంత్రం రెండు లీటర్లు పాలు చొప్పున విక్రయిస్తే కేవలం 66 రూపాయలు మాత్రమే రావటం వల్ల ఆ డబ్బు మొత్తం గేదెకే సరిపోతుందని రైతులు తెలియజేస్తున్నారు. ఈ సమస్యపై సంబంధిత అధికారులు చర్యలు చేపట్టి ఆ గ్రామంలో కూడా పాల డైరీని ఏర్పాటు చేస్తే రైతులు కొంతవరకు లాభం పొందవచ్చని వారి అభిప్రాయం వ్యక్తం చేస్తున్నారు.
