తెలుగు టెలివిజన్ ప్రేక్షకులకు సుపరిచితురాలైన యాంకర్ లాస్య బిగ్ బాస్ హౌస్ లో ఎక్కువ రెమ్యూనరేషన్ తీసుకుంటున్న కంటెస్టెంట్ గా రాణిస్తుంది. హౌస్ లో చాలా బ్యాలెన్స్ మైండ్ సెట్ తో పాటు పెద్దరికంగా ఉంటూ కలివిడిగా అందరితో కలిసిపోతుంది. టాస్క్ లో తన శక్తి మేరకు రాణిస్తూ న్యాయం చేస్తుంది. ఇదిలా ఉండగా ఇటీవల తన జీవితంలో జరిగిన మర్చిపోలేని అనుభవాల్ని గురించి పంచుకోవాలని బిగ్ బాస్ చెప్పిన నేపథ్యంలో చాలా మంది రకరకాల స్టోరీలు చెప్పారు. అయితే లాస్య తన పెళ్లి గురించి షాకింగ్ విషయాలు బయట పెట్టింది.
తన తల్లిదండ్రులు అనేక కష్టాలు పడి పెంచడం జరిగిందని చెప్పిన లాస్య పెళ్లి విషయంలో నా ఇష్ట ప్రకారం చేసుకోవడంతో… తన తండ్రి దాదాపు మూడు సంవత్సరాలు తన తో మాట్లాడలేదని చెప్పుకొచ్చింది. కాగా ఒకానొక సమయంలో తండ్రికి యాక్సిడెంట్ అవటంతో 1,50,000 బయట అప్పు చేయడం జరిగిందని…ఆ సమయంలో బంధువులు కూడా ఎవ్వరు కుటుంబానికి అండగా నిలబడలేదని లాస్య చెప్పుకొచ్చింది. కానీ ఆ సమయంలో నాకు అండగా నిలబడింది నా భర్త.. ఎంతో అనారోగ్యం పాలైన నా తండ్రి ఆ టైంలో నా భర్త ని కొడుకు గా తన తండ్రి భావించాడని… భావోద్వేగానికి గురైన లాస్య జీవితంలో ఇంకెప్పుడు తన తండ్రిని బాధపెట్టను అని బిగ్ బాస్ హౌస్ సాక్షిగా మాట ఇచ్చింది.
అంతేకాకుండా తాను పెళ్లి చేసుకున్న 7 ఏళ్ళ వరకు ఆ విషయం ఎవరికీ చెప్పలేదని, బయట షో లకు కూడా వెళ్ళినప్పుడు తాను నా కజిన్ అని చెప్పా అనే కానీ భర్త అని చెప్పలేక పోయాను అంటూ చింతించింది. కానీ ఇప్పుడు పరిస్థితులు మారాయని తన కొడుకు జున్ను నీ తన తల్లిదండ్రులు చూసుకుంటున్నారు అంటూ ఆనందభాష్పాలతో లాస్య కృతజ్ఞతలు తెలిపింది.