ప్రపంచ క్రికెట్ చరిత్రలో సచిన్ సాధించిన రికార్డులు అన్నీ ఇన్నీ కావు. ఒకానొక టైములో ఇండియా దేశాన్ని గెలిపించాలి అంటే మొదట సచిన్ ని ఔట్ చేస్తే 90 పర్సంటేజ్ మ్యాచ్ గెలిచినట్లే అని ప్రత్యర్థి జట్టులు బరిలోకి దిగేవి. ఆ విధంగా చాలావరకు భారత జట్టులో బ్యాటింగ్ లో ఓపెనర్ గా దిగి చాలావరకు మ్యాచ్ క్లియర్ చేసే విధంగా సచిన్ టెండూల్కర్ పరుగులు సాధించేవాడు. ప్రత్యర్థి జట్టు ఎలాంటిది అయినా… ఎలాంటి పేస్ బౌలర్ అయినా సచిన్ టెండుల్కర్ ఆడే ఆట కి చాలా వరకు బంతులు పెవిలియన్ లోకి బౌండరీ లోకి వెళ్ళేవి.
అటువంటి సచిన్ టెండూల్కర్ గురించి 90లో లెజెండ్ బౌలర్ గా ప్రపంచ వ్యాప్తంగా పేరు సంపాదించిన వెస్టిండీస్ జట్టు కి చెందిన మాజీ పేసర్‌, వ్యాఖ్యాత ఇయాన్‌ బిషప్‌ సచిన్ టెండూల్కర్ గురించి షాకింగ్ కామెంట్ చేశారు. ఇటీవల ఈయన ‘క్రికెట్ కనెక్టెడ్‌’ అనే కార్యక్రమంలో పాల్గొన్న సమయంలో తన కెరీర్ గురించి అనేక విషయాలు చెబుతూ సచిన్ టెండుల్కర్ ప్రస్తావన వచ్చిన టైంలో షాకింగ్ కామెంట్లు చేశారు. అప్పట్లో ఇయాన్‌ బిషప్‌ బౌలింగ్ వేస్తున్నాడు అంటే చాలావరకు బ్యాట్స్ మెన్ లకు క్రీజులో కాళ్లు వణికిపోయేవి.
అటువంటి ఇయాన్‌ బిషప్‌ కి మాత్రం మొదటి లో సచిన్ ని ఎదుర్కొన్న టైములో చాలా తక్కువ అంచనా వేసి బౌలింగ్ చెయ్యగా సచిన్ ఆడిన స్ట్రైట్‌డ్రైవ్‌లు, కట్ షాట్ లు ఆడిన విధానం చూసి భయమేసిందట. ఇబ్బందికరమైన బంతులు ఆ చిన్న వయసులో ఉన్న సచిన్ కి వేసిన… చాలా వరకు నేను వేసిన బంతులు బౌండరీ కి తరలించాడు అని ఇయాన్‌ బిషప్‌ అప్పటి సందర్భాలను గుర్తు చేసుకున్నాడు. అంతేకాకుండా నేను నా కెరియర్లో చాలామంది దిగ్గజ ఆటగాళ్లకు బౌలింగ్ చేశాను. కానీ వారందరిలో నాకు సచిన్ కు బౌలింగ్ చేయడమే కష్టం అనిపించింది అని నిర్మొహమాటంగా వెస్టిండీస్ మాజీ పేసర్‌, వ్యాఖ్యాత ఇయాన్‌ బిషప్‌ తెలిపారు.
