థానె (మహారాష్ట్ర), ఫిబ్రవరి 20: అడవిలో సంచరించే ఒక చిరుత జనావాసాలలోకి రావడంతో ప్రజలు భయాందోళనలకు గురయ్యారు. బుధవారం ఉదయం 5.30గంటల ప్రాంతంలో థానెలోని కొరమ్ మాల్ పార్కింగ్ ఏరియాలో చిరుత ఉండటాన్ని గమనించారు. అటవీశాఖ అధికారులు ఆరుగంటలకు పైగా గాలించిన అనంతరం దానిని పట్టుకోగలిగారు.
ఉదయం 5.30గంటలకు మాల్ సమీపంలో చిరుతను చూసిన ప్రజలు పోలీస్, అటవీశాఖ అధికారులకు సమాచారం ఇచ్చారు.
పోలీస్, అటవిశాఖ అధికారులు రెండు గంటల సేపు చిరుతను పట్టుకునేందుకు ప్రయత్నించినా ఫలితం లభించలేదు.
సిసి టీవి పుటేజ్ ద్వారా వసంత విహార్ రెసిడెన్షియల్ ఏరియాలో చిరుత సంచారాన్ని అధికారులు గుర్తించారు.
చివరకు 11.50గంటల ప్రాంతంలో మత్తు ఇంజక్షన్ ద్వారా చిరుతను నిలువరించిన అటవీశాఖ అధికారులు వైద్య పరీక్షల అనంతరం సంజయ్ గాంధీ నేషనల్ పార్క్లో విడుదల చేశారు.
వీడియో కోసం కింద క్లిక్ చేయండి (టిఒఐ సౌజన్యంతో)
Leopard caught on camera entering a mall in Thane pic.twitter.com/HRu2yXOaae
— TOI Mumbai (@TOIMumbai) February 20, 2019