ఎల్ఐసీ.. లైఫ్ ఇన్సురెన్స్ కార్పొరేషన్.. అంటే ప్రజల్లో ఓ నమ్మకం. అందుకే.. లైఫ్ ఇన్సురెన్స్ చేయించుకోవాలంటే ఎక్కువ మంది ఎల్ఐసీనే ఆశ్రయిస్తారు. దశాబ్దాల నుంచి వినియోగదారుల అభిమానాన్ని ఎల్ఐసీ చూరగొంటోంది.
ఇక.. ఎల్ఐసీ సరికొత్త పథకాలను తమ కస్టమర్ల కోసం తీసుకొస్తుంటుంది. ఇప్పటి వరకు చాలా పాలసీలు వచ్చినా… కొత్తగా వచ్చిన జీవన్ శాంతి పాలసీ పెన్షన్ కావాలనుకునేవారికి అద్భుతమైన పాలసీ.
జీవన్ శాంతి పెన్షన్ పాలసీ ద్వారా నెలకు పెన్షన్ రూపంలో 4 లక్షల రూపాయల వరకు పొందొచ్చు. ముఖ్యంగా ఉద్యోగాలు చేసేవాళ్లు.. తమ పదవీ విరమణ తర్వాతి జీవితం గురించి ఆలోచిస్తుంటారు. అటువంటి వాళ్లకు ఇది బ్రహ్మాండమైన పాలసీ. ఈ పాలసీ చేయించుకుంటే పాలసీదారు జీవించి ఉన్నంత కాలం పెన్షన్ వస్తుంది.
అంతే కాదు.. పాలసీ ప్రారంభించిన వెంటనే పెన్షన్ పొందే అవకాశం ఈ పాలసీలో ఉంది. ఈ పాలసీలో పలు రకాల పద్ధతుల్లో ప్రీమియాలు చెల్లించవచ్చు. ఒకేసారి ప్రీమియం డబ్బు చెల్లిస్తే వెంటనే పెన్షన్ డబ్బులు పొందే అవకాశం ఉంటుంది. లేదంటే 5 ఏళ్లు, 10, 15, 20 ఏళ్ల తర్వాత పెన్షన్ కావాలనుకుంటే ఆ ఆప్షన్ ను సెలెక్ట్ చేసుకోవచ్చు.
ఈ పాలసీలో పాలసీదారునికి నచ్చిన ఆప్షన్ ను ఎంచుకునేలా మొత్తం 12 ఆప్షన్లను పొందుపరిచారు. కనీసం 30 ఏళ్లు ఉంటేనే ఈ పాలసీకి అర్హులు. గరిష్టంగా 85 ఏళ్ల వయసు వరకు ఉండాలి.
కనీసం లక్షన్నరతో కూడా పాలసీని తీసుకోవచ్చు. ఇక.. ఈ పాలసీకి ఇన్ కమ్ టాక్స్ లా 1961, సెక్షన్ 80సీ ప్రకారం పన్ను మినహాయింపు లభిస్తుంది.
ఉద్యోగం తర్వాత జీవితం హ్యాపీగా ఉండాలి అనుకుంటే.. అంతో ఇంతో పెన్షన్ రావాలి అనుకుంటే వెంటనే ఈ పాలసీని తీసుకోవచ్చు.