Life: మనం రోజూ అనేక రకాల పనులు చేస్తూ ఉంటాము. అయినా కూడా జీవితంలో ఏదో తెలియని వెలితి ఉంది అని అనిపిస్తుంటుంది. మనస్సుకు ఆనందం అనేది లేక కదిలే సమయంతో పాటు భారం గా కదులుతున్నట్టు ఉంటుంది. ఆనందం లేకపోతే ఏం చేసినా ,ఎక్కడ ఉన్నా అర్ధం పర్ధం లేనట్టు అనిపిస్తుంది . ఒక వేళ మీకు అలా అనిపిస్తే వీటిని చేసి చూడండి.. మీరు చాలా ఆనందం పొందుతారు. నవ్వడం వల్ల మన మనస్సంతా పాజిటివ్ ఆలోచనల తో నిండిపోతుంది. నవ్వడం వల్ల పాజిటివ్ ఆలోచనలు వచ్చి మూడ్ ని బాగా ఇంప్రూవ్ చేస్తుందని పరిశోధనలో తేలింది.
కాబట్టి మీకు నచ్చిన కామెడీ ని రోజు చూస్తూ నవ్వుతు ఉండడానికి ప్రయత్నం చేయండి మంచి మార్పు కనిపిస్తుంది.
వ్యాయామం అనేది కండలు పెంచడానికి, లేదా శరీరం ఆకర్షణీయంగా కనిపించడానికి అని అనుకుంటే పొరపాటు పడినట్టే . వ్యాయామం చేయడం వల్ల ఇతర ఉపయోగాలు చాలానే ఉన్నాయి . ఒత్తిడి తగ్గడానికి ఉల్లాసంగా ఉండటానికి ఇది ఒక మంచి ఔషధం అని చెప్పక తప్పదు. ప్రతిరోజు కేవలం ఏడు నిమిషాల పాటు మీరు వ్యాయామం చేయడం వలన మీరు ఆనందంగా ఉండవచ్చు.మీకు కుదిరితే ఇంకా ఎక్కువ సేపు కూడా చేయవచ్చు.
మంచి నిద్ర ప్రశాంతతని ఆనందాన్ని ఇస్తుంది. అది ఆందోళన ,ఒత్తిడి దూరం చేసి ప్రశాంతంగా ఉండేలా చేసి మంచి ఆలోచనలకు కారణం అవుతుంది. ఆనందం గా ఉంచుతుంది. మీ ఆత్మీయులతో మీరు ఎక్కువ సమయం గడపడం అనేది ఆనందంగా ఉండటానికి బాగా ఉపయోగపడుతుంది. ఎన్నో పరిశోధనలు సైతం ఈ విషయాన్ని రుజువు చేశాయి. కనుక మీకు సమయం ఉన్నప్పుడల్లా మీ ఫ్రెండ్స్ తో , కుటుంబంతో కాస్త సమయం గడపండి. దీంతో కూడా మీరు ఆనందంగా ఉండగలుగుతారు