Love: ఈ రోజుల్లో చదువుతుండగానే ప్రేమ లో పడడం,ప్రేమించినవారితో చెట్టా పట్టాలు వేసుకుని తిరుగుతుతున్నారు. ఇంకొందరు ఇంకొంచెం ముందుకు వెళ్లి రిలేషన్ లో కూడా ఉంటున్నారు. సరే ఇదంతా పక్కన పెడితే, కొన్ని కొన్ని పరిస్థితు లలో ప్రేమించిన వారితో పెళ్లి జరగక పోవచ్చు.. రిలేషన్ లో 4,5 ఏళ్ళు ఉన్నవారు కూడా విడి పోయి వేరొకరితో 7 అడుగులు వేయవలిసి రావచ్చు. మనుషుల జీవితం లో ఇవన్నీ సహజం గా జరిగిపోతూనేఉన్నాయి. అయితే అలాంటి పరిస్తితు లలో ఉన్నవారు ఏమి చేయాలన్నది ఒకసంస్థచేసిన పరిశోధఏమి చెప్తుందో తెలుసుకుందాం.
భార్య భర్తల సంబంధం చాల విలువైనది..వీలైనంత వరకు పెళ్ళికి ముందు జాగ్రత్త గానే ఉండండి… పెళ్ళి తో మీ జీవితంలోకి వచ్చే వ్యక్తి ఎవరన్నది మీరు ముందే తెలుసుకోలేరు, ప్రేమించిన ప్రతి జంట పెళ్లి వరకు వెళ్తుంది అన్న నమ్మకం కూడా లేదు. కాబట్టి ఇష్టపడండి పేమించండి, కానీ కలిసి తిరగకండి. రిలేషన్ పెట్టుకోకండి. ఇలా చెప్తుంటే నవ్వొస్తోంది కదా… కానీ అలా నవ్వి లైట్ తీసుకున్న వారంతా జీవితం తారుమారై మనోవ్యధ అనుభవిస్తున్నటుగా కొత్తగా జరిగిన ఒక పరిశోధన లో తమ గోడు ను వెళ్లబోసుకున్నారు..
కొందరు జరిగిన గతాన్ని కొత్తగా వచ్చిన భాగస్వామి కి నిజాయితీ గా చెప్పడం వలన అనేక చిక్కులు ఎదురుకుంటున్నాము అని తెలియచేసారు. తమ గతం తెలుసుకున్న భాగస్వాములు అప్పటివరకు తమతో బాగున్నప్పటికీ విషయం తెలిసాక తాము ఎంత నిజాయితీ గా ఉన్నా కూడా ఎదో ఒక చోటా అనుమానిస్తు వారి మనస్సు కష్టపెట్టుకుని కన్నీళ్లు పెట్టుకుని తమని అపరాధ భావానికి గురిచేస్తుంటే ఆ బాధ వర్ణనాతీతం అని గోడు వెళ్ల బోసుకుంటున్నారట.
ఇంతకూ ఆఖరుకు వారు మిగతా వారికి ఇచ్చిన సందేశం ఏమిటంటే, పెళ్ళి కి ముందు ఉన్నవి ఏవి కూడా పెళ్లి తర్వాత చెప్పొద్దని,పెళ్లి తర్వాత వాటిని వదిలేసి నిజాయితీగా భాగాస్వామి తో మాత్రమే ఉంటే జీవితం సుఖం గా ఉంటుందని… లేదా నిజాయితీ పేరుతో పెళ్లి కి ముందు జరిగినవి అన్ని చెప్పేస్తే మాత్రం ఇక జీవితాంతం అనుమానలతో మనః శాంతి లేకుండా బ్రతకావలిసిందే అని చెప్పుకొచ్చారు. ఒకవేళ ఆల్రెడీ చెప్పేస్తే మాత్రం మీ భాగస్వామి ఆ ప్రస్తావన తెచ్చినప్పుడల్లా ఎంతో ఓపిక తో వారిని సముదాయించి, ఒకప్పుడు ఎదో అలా జరిగింది కానీ నువ్వే నా ప్రాణం అని వారికీ తెలిసేలా చేయడం చాల అవసరం అని గుర్తు పెట్టుకోవాలి.
