MAA Elections: టాలీవుడ్ ఇండస్ట్రీలో అధ్యక్ష ఎన్నికలు ఎన్నడూ లేని విధంగా.. ఈసారి ఎన్నికలు సంచలనాలు సృష్టిస్తున్నాయి. గతంలో అధ్యక్ష పదవి కోసం కేవలం ఇద్దరు మాత్రమే పోటీపడే పరిస్థితి ఉండేది. కానీ ఈసారి అధ్యక్ష పదవి కోసం ఏకంగా ఐదుగురు బరిలోకి దిగడంతో.. అధ్యక్ష ఎన్నికలు ఉత్కంఠభరితంగా మారాయి. ఇండస్ట్రీలో ఎవరు ఎవరికి సపోర్ట్ చేస్తారు అన్నది సస్పెన్స్ గా ఉంది. ఇటువంటి తరుణంలో పోటీదారుల్లో ఒకరైన నటి హేమ.. ఇటీవల “మా” అసోసియేషన్ పై షాకింగ్ కామెంట్ చేయటం తెలిసిందే. నిధులు దుర్వినియోగం చేశారు అంటూ అసోసియేషన్ పై వైరల్ కామెంట్లు చేశారు.
ఈ నేపథ్యంలో.. హేమ చేసిన వ్యాఖ్యలపై ప్రస్తుత అధ్యక్షుడు నరేష్ తో పాటు జీవిత రాజశేఖర్ తీవ్రస్థాయిలో స్పందించారు. నటి హేమ ఇష్టానుసారంగా వ్యాఖ్యలు చేయడం దారుణమని ఆమె చేసిన ఆరోపణల్లో వాస్తవం లేదని.. మీడియా సమావేశం నిర్వహించి ఖండించారు. అంతేకాకుండా ఖచ్చితంగా చర్యలు తీసుకుంటామని పేర్కొన్నారు. మా అసోసియేషన్ పరువు దిగజార్చేలా హేమ వ్యాఖ్యలు ఉన్నాయని తెలియజేస్తూ క్రమశిక్షణ కమిటీ కి ఫిర్యాదు చేసినట్లు స్పష్టం చేశారు. ఈ సమయంలో హేమ చేసిన వ్యాఖ్యలు వీడియో క్లిప్పింగ్స్.. సాక్ష్యాలుగా పొందుపరిచారు.
మరోసారి ఇటువంటి చర్యలు పునరావృతం కాకుండా.. అధ్యక్షుడు నరేష్ ఫిర్యాదు చేయటం మాత్రమే కాక నటి హేమ కి నోటీసులు జారీ చేశారు. ఇదిలా ఉంటే నటి హేమ కావాలని మా అధ్యక్ష ఎన్నికలు వాయిదా వేయడానికి కుట్ర పన్నుతున్నట్లు మరోపక్క ఆరోపిస్తూ ఉన్నారు. తమిళంలో మెగాస్టార్ చిరంజీవి కూడా అధ్యక్ష ఎన్నికలు త్వరగా జరిపించాలని ఇండస్ట్రీ పెద్దల పోరాటం సంచలనంగా మారింది. ఇలాంటి తరుణంలో మా అధ్యక్షుడు నరేష్ నటి హేమ పై క్రమశిక్షణా కమిటీ కి ఫిర్యాదు చేయడం ఇండస్ట్రీలో హాట్ టాపిక్ గా మారింది.