Bedroom: అన్నిటికన్నా ఉత్తమం
మన ఇంట్లో పడక గదిలో (Bedroom) ఉండే మంచం కూడా వాస్తు ప్రకారం ఉండాలి.మంచాన్ని ఎక్కడ పడితే అక్కడ ఏ దిక్కుపడితే ఆ దిక్కు లో తల ఉంచి నిద్ర పోవడం వలన నిద్రను కోల్పోవడం తో పాటు అనవసరమైన ఆందోళనలను ఎదుర్కోవాల్సి వస్తుందని వాస్తు శాస్త్రం తెలియచేస్తుంది.ఉత్తర దిశ తప్ప మిగిలిన ఏ దిశగా అయినా తలపెట్టి నిద్రపోవచ్చని వాస్తు శాస్త్రం తెలియచేస్తుంది. అయితే అన్నిటికన్నా ఉత్తమం అయినది దక్షిణ దిశ. ఇది నిద్ర పరంగా చాలా అనుకూలమైన దిశ గా చెప్పబడింది. ఆరోగ్యానికి, మంచి నిద్రకు ఈ దిశ శ్రేష్టమైనది. తూర్పు దిశవైపు తలఉంచి నింద్రించడం వల్ల జ్ఞాపకశక్తి, ఏకాగ్రత పెరిగి, ఆరోగ్యం బాగుంటుంది. కాబట్టి విద్యార్థులకు (students) ఈ దిశ చాలా అనుకూలం అనే చెప్పాలి. పడమరదిశలో తల ఉంచి నిద్ర పోవడం వల్ల పేరు, ప్రఖ్యాతులు వస్తాయి అని తెలియచేస్తుంది వాస్తు శాస్త్రం.
Bedroom: రాత్రిల్లో అయస్కాంత శక్తి
అయితే మంచం ఏ గదిలో వేసినాకూడా…మంచం చుట్టూ కనీసం లో కనీసం మనిషి తిరగ గలిగినంత ఖాళీ స్థలం వదలడం అనేది మంచిది. మంచం కొలత, రూము కొలతలను బట్టి మంచం (bed) చుట్టూ ఎంత ఖాళీ వదలాలి అనేది ఆలోచించుకోవాలి.
మంచానికి తూర్పు, ఉత్తరాలలో ఎక్కువ స్థలం వదిలి , దక్షిణ పశ్చిమలలో తక్కువ స్థలం వదిలేలా చూసుకోవాలి. మంచాన్ని గోడకు తగిలే విధం గా గదిలో మూలకు వేసుకోకూడదు. మరీ చిన్న గదుల్లో ఉండేవారు ఎంతో కొంత అయినా ఖాళీ ఉండేలా చూసుకోవాలి.గదిలో అటకలు, బీములు ఉన్న చోట మంచం వాటి కిందకు రాకుండా చూసుకోవడం అనేది ముఖ్యమైన విషయం. అలాగే పిల్లర్లకు మరీ దగ్గరగా మంచం ఉండకూడదు. ఎందుకంటే పిల్లర్లలో ఉండే ఇనుము రాత్రిల్లో అయస్కాంత శక్తిగా పని చేయడం వలన నిద్రపట్టకుండా చేసే ప్రమాదం ఎక్కువగా ఉంది.
దీనితో పాటు గదిలో అద్దానికి ఎదురుగా మంచం అస్సలు ఉండకూడదు.
మంచము గుమ్మానికి ఎదురుగా
కుట్టుమిషన్లు, టీవీలు, కంప్యూటర్లు వంటి ఎలక్ట్రానిక్ వస్తువులు మంచానికి మరీ దగ్గరగా ఉంచకూడదు. గుమ్మం ఎదురుగా మంచం లేకుండా కూడా జాగ్రత్త పడాలి. ఒకవేళ ఫ్యాన్ (fan) గాలి కోసం మంచము గుమ్మానికి ఎదురుగా జరుపుకుంటే మాత్రం ఫ్యాన్ హుక్ సరైన స్థానం లో వేయిన్చుకోవడం మంచిది.
