టాలీవుడ్ లో మిల్కీ బ్యూటి తమన్నా కోసం నిర్మాతలు క్యూ కడుతున్నారా .. తాజా పరిణామాలు చూస్తుంటే అవుననే అనిపిస్తోంది. టాలీవుడ్ లో సీనియర్ హీరోయిన్ అయిన తమన్నా మిగతా హీరోయిన్స్ లా కాకుండా వచ్చిన అవకాశాన్ని చక్కాగా ఉపయోగించుకుంటోంది. ఇగోకి పోకుండా కథ మీద నమ్మకం పెట్టి సత్య దేవ్ లాంటి చిన్న హీరో తో నటించడానికి అలాగే బాలీవుడ్ లో బోల్డ్ సినిమా అని పేరు తెచ్చుకున్న అంధాదున్ లాంటి సినిమాలో చేయడానికి సిద్దమవుతోంది.
అదే తమన్నాని సినిమా ఇండస్ట్రీలో మరింత బిజీ హీరోయిన్ ని చేస్తోంది. ప్రస్తుతం యాక్షన్ హీరో గోపిచంద్ నటిస్తున్న ‘సీటీమార్’ అన్న సినిమాలో హీరోయిన్ గా నటిస్తున్న తమన్నా రీసెంట్ గా ఈ సినిమా షూటింగ్ పూర్తి చేసింది. యంగ్ డైరెక్టర్ సంపత్ నంది ఈ సినిమాకి దర్శకత్వం వహిస్తున్నాడు. కబడ్డీ ఆట నేపథ్యంలో ఈ సినిమా కథ సాగుతుంది. ఇక తమన్నా ప్రధాన పాత్రలో నటించిన ‘నవంబర్ స్టోరీ’ అన్నీ కార్యక్రమాలని కంప్లీట్ చేసుకొని రిలీజ్ కి రెడీ అవుతోంది. మిల్కీ బ్యూటీ డెబ్యూ వెబ్ సిరీస్ ‘నవంబర్ స్టోరీ’ డిస్నీ+హాట్ స్టార్ ఓటీటీ ఫ్లాట్ ఫార్మ్ లో స్ట్రీమింగ్ అవబోతుందంటున్నారు.
అంతేకాదు తమన్నా చేతిలో భారీ సినిమాలు కూడా ఉన్నాయి. యంగ్ హీరో నటిస్తున్న బాలీవుడ్ సినిమా అంధాదున్ తెలుగు రీమేక్ లో నటించేందుకు అంగీకరించింది. హిందీలో టబు చేసిన పాత్రలో తమన్నా కనిపించబోతుండగా ఇస్మార్ట్ బ్యూటీ నభా నటేష్ హీరోయిన్ గా నటిస్తోంది. ఇక యంగ్ హీరో సత్యదేవ్ తో ‘గుర్తుందా శీతాకాలం’ అనే రొమాంటిక్ ఎంటర్టైనర్ లో నటించనున్న సంగతి తెలిసిందే. వీటితో పాటు ఈ నెలలో సెట్స్ మీదకి వెళ్ళబోతున్న ఎఫ్ 2 సీక్వెల్ ఎఫ్ 3 లో కూడా నటించబోతుందని సమాచారం. ఇక ఇప్పటికే అల్లు అరవింద్ ‘ఆహా’ యాప్ కోసం ’11th అవర్’ అనే వెబ్ సిరీస్ చేస్తోంది. ప్రవీణ్ సత్తారు దర్శకత్వం వహిస్తున్నాడు.