Sukumar : సుకుమార్ నెక్స్ట్ మూవీ ఏంటన్న విషయంలో గత కొన్ని రోజులుగా రక రకాల వార్తలు ప్రచారమవుతున్నాయి. ఈ విషయంలో కొన్ని రూమర్స్ కూడ్రా స్ప్రెడ్ అవుతున్న సంగతి తెలిసిందే. ఈ విషయంలో తాజాగా మేకర్స్ క్లారిటీ ఇచ్చారు. ప్రస్తుతం సుకుమార్.. స్టైలిష్ స్టార్ అల్లు అర్జున్ తో పాన్ ఇండియన్ సినిమా పుష్ప తెరకెక్కిస్తున్నాడు. మైత్రీ మూవీస్ – ముత్యం శెట్టి మీడియా దాదాపు 200 కోట్ల భారీ బడ్జెట్‌తో తెరకెక్కిస్తున్నారు. రష్మిక మందన్న హీరోయిన్‌గా నటిస్తోంది. తెలుగు, హిందీ, తమిళం, కన్నడ, మలయాళం భాషల్లో భారీ స్థాయిలో రిలీజ్ చేయనున్నారు.
కాగా ఈ సినిమా అల్లు అర్జున్ – సుకుమార్ కాంబినేషన్‌లో రూపొందుతున్న హ్యాట్రిక్ సినిమా. ఈ నేపథ్యంలో సుకుమార్ ఎంతో ప్రతిష్టాత్మకంగా పుష్ప సినిమాని తెరకెక్కిస్తున్నాడు. అల్లు అర్జున్ కి జంటగా రష్మిక మందన్న హీరోయిన్‌గా నటిస్తోంది. రాక్ స్టార్ దేవీశ్రీప్రసాద్ సంగీతమందిస్తున్నాడు. ఎర్రచందనం స్మగ్లింగ్ నేపథ్యంలో ఈ సినిమా రూపొందుతున్న ఈ సినిమా టీజర్ ఇటీవల వచ్చి రికార్డ్ స్థాయిలో వ్యూస్ రాబట్టింది. అంతేకాదు సినిమా మీద భారీ అంచనాలు పెంచేసింది.
Sukumar : సుకుమార్ నెక్స్ట్ మూవీ విజయ్ దేవరకొండతోనే..!
కాగా సుకుమార్ తన నెక్స్ట్ సినిమా ..విజయ్ దేవరకొండతో చేయనున్నట్టు గత ఏడాదే ప్రకటన వచ్చింది. కానీ మళ్ళీ ఈ సినిమాకి సంబంధించిన అప్‌డేట్ ఏదీ రాలేదు. దాంతో ఈ ప్రాజెక్ట్ కంటే ముందు సుకుమార్ వేరే హీరోతో సినిమా చేస్తాడన్న గాసిప్స్ మొదలయ్యాయి. దాంతో సుకుమార్ విజయ్ దేవరకొండా కాంబినేషన్ సినిమా మీద నిర్మాతలు క్లారిటీ ఇచ్చారు. ఫాల్కన్ క్రియేషన్స్ బ్యానర్ పై ప్రొడక్షన్ నెం.1 గా కేదార్ సెలగం శెట్టి ఈ సినిమాని నిర్మించనుండగా.. ప్రస్తుతం వైరల్ అవుతున్న రూమర్స్‌కి క్లారిటీ ఇస్తూ సుకుమార్ పుష్ప..విజయ్ దేవరకొండ లైగర్ సినిమా తర్వాత వీరి కాంబినేషన్‌లో మా సినిమా ఉంటుందని స్వయంగా మేకర్స్ క్లారిటీ ఇచ్చారు.
