స‌మాజంలో ఉన్న అనేక మంది త‌మ‌లోని టాలెంట్‌ను బ‌య‌టి ప్రపంచానికి తెలియ‌జేయ‌డం కోసం అనేక ఫీట్లు చేస్తున్నారు. అందులో భాగంగానే వారు సోష‌ల్ మీడియా వేదిక‌గా త‌మ ఫీట్ల‌కు చెందిన వీడియోలు, ఫొటోల‌ను పోస్ట్ చేస్తున్నారు. ఇక స‌రిగ్గా ఇలాగే ఓ వ్య‌క్తి కూడా త‌న‌లోని టాలెంట్‌ను చెప్ప‌డం కోసం ఏకంగా అండ‌ర్ వాట‌ర్‌లో డ్యాన్స్ స్టెప్పులు వేశాడు.
గుజ‌రాత్‌కు చెందిన జ‌య‌దీప్ గోహిల్ అనే వ్య‌క్తి హ్యాపీ న్యూ ఇయ‌ర్ అనే సినిమాలోని ఇండియా వాలె అనే పాట‌కు అండ‌ర్ వాట‌ర్‌లో డ్యాన్స్ చేశాడు. కుర్చీపై ఉండి బ్యాక్ ఫ్లిప్ చేశాడు. ఈ క్ర‌మంలో అత‌ను త‌న డ్యాన్స్ స్టెప్‌ల‌ను వీడియో తీసి ఆ వీడియోను ఇన్‌స్టాగ్రాంలో పోస్ట్ చేశాడు. దీంతో ఆ వీడియో ప్ర‌స్తుతం వైర‌ల్‌గా మారింది.
https://www.instagram.com/p/CFjQa82hmBa/?utm_source=ig_web_copy_link
కాగా జ‌య‌దీప్ చేసిన ఆ డ్యాన్స్ స్టెప్పుల‌కు, అందులోనూ నీటి లోప‌ల ఉండి అత‌ను అద్భుతంగా డ్యాన్స్ చేయ‌డంతో నెటిజ‌న్లు అత‌ని స్టెప్పుల‌కు ఫిదా అవుతున్నారు. ఇక గోహిల్ త‌న‌కు తాను హైడ్రోమ్యాన్‌గా పేరు పెట్టుకున్నాడు. దీంతో నెటిజ‌న్లు కూడా నిజంగా అత‌న్ని హైడ్రోమ్యాన్ అనే పిలుస్తున్నారు. నీటిలోప‌ల చాలా అద్భుతంగా స్టెప్స్ వేశావు, గుడ్ ల‌క్‌.. అని నెటిజ‌న్లు కామెంట్లు చేస్తున్నారు.
కాగా సెప్టెంబ‌ర్ 25న ఆ క్లిప్‌ను పోస్ట్ చేయ‌గా.. దానికి 3.1 మిలియ‌న్ల వ్యూస్ వ‌చ్చాయి. అనేక మంది అత‌ను సాధించిన ఫీట్‌కు గాను అత‌న్ని అభినందిస్తున్నారు.
