మంచు విష్ణు ఫస్ట్ పాన్ ఇండియన్ సినిమా మోసగాళ్ళు. చాలా కాలం తర్వాత మంచు విష్ణు నుంచి సినిమా రాబోతోంది. అది కూడా ఏకంగా భారీ బడ్జెట్ తో నిర్మించిన పాన్ ఇండియన్ సినిమా. ఈ సినిమాలో కాజల్ అగర్వాల్ కీలక పాత్రలో నటించింది. మంచు విష్ణు నుండి సినిమా వచ్చి రెండేళ్ల దాటింది. అందుకే ఈ సారి మోసగాళ్ళు సినిమాతో భారీ హిట్ అందుకొని ఇక గ్యాప్ రాకుండా ప్లాన్ చేసుకుంటున్నాడు. వాస్తవంగా ఈ సినిమా ఎప్పుడో రిలీజ్ కావాల్సి ఉండగా లాక్ డౌన్ దెబ్బకొట్టింది. ఈ సినిమా ఇంగ్లీష్ తెలుగు భాషలతో పాటు హిందీలో కూడా రిలీజ్ అవ్వబోతుంది.
కాగా ఈ సినిమాలో విష్ణుకు జంటగా రూహి సింగ్ టాలీవుడ్ కి పరిచయం అవుతోంది. ఇక కాజల్ అగర్వాల్ విష్ణు కి సిస్టర్ గా కనిపించనుండగా బాలీవుడ్ సీనియర్ హీరో సునీల్ శెట్టిలు కీలకపాత్రలో కనిపించబోతున్నాడు. ఈ సినిమాను జెఫ్రి గీచిన్ తెరకెక్కించాడు. దేశంలో జరిగిన ఓ భారీ ఐటీ కుంభకోణం నేపథ్యంలో ఈ సినిమా తెరకెక్కుతోంది. విష్ణు కెరీర్ లో ఇది ఎంతో ప్రతిష్టాత్మకంగా తయారవుతోంది. ప్రస్తుతం ఈ సినిమా పోస్ట్ ప్రొడక్షన్ వర్క్ జరుపుకుంటుండగా త్వరలో రిలీజ్ చేయబోతున్నారన్న టాక్ వినిపిస్తోంది. థియేటర్స్ రిలీజ్ కోసం అన్ని సినిమాలు వేయిట్ చేసి రిలీజ్ కి ప్లాన్ చేసుకొని రిలీజ్ డేట్ లాక్ చేసుకుంటున్నాయి.
ఈ క్రమంలోనే ప్రమోషన్స్ కూడా నిర్వహిస్తున్నారు. అయితే మంచు విష్ణు మోసగాళ్ళు సినిమా నుంచి మాత్రం ఇంకా ఎలాంటి అప్‌డేట్ రాకపోవడం తో ఫ్యాన్స్ మోసగాళ్ళు సినిమా ఏ స్టేజ్ లో ఉంది అని మాట్లాడుకుంటున్నారు. అందుకే మోసగాళ్ళు రిలీజ్ డేట్ ని ప్రకటించాలని మంచు విష్ణు భావించాడట. సమ్మర్ రిలీజ్ అని ఆ మధ్య వార్తలు రాగా ఇప్పుడు ఈ సినిమా మార్చ్ 11న విడుదల కాబోతుందని వార్తలు వస్తున్నాయి. మరి ఈ డేట్ ఫైనల్ అయిందా లేదా అన్నది మంచు విష్ణు అఫీషియల్ గా అనౌన్స్ చేస్తే గాని క్లారిటీ రాదు. ఇక శ్రీను వైట్ల దర్శకత్వంలో ఢీ సీక్వెల్ తెరకెక్కుతున్న సంగతి తెలిసిందే.
Manchu Manoj: కూతురు పుట్టిన వెంటనే మంచు మనోజ్ చేసిన పనికి అవాక్ అయిన మౌనిక.. కన్నీళ్లు పెట్టుకుంటూ ఎమోషనల్..!