టీడీపీ సీనియర్ నేత, మాజీ మంత్రి అచ్చెన్నాయుడు నివాసగృహం ఇప్పుడు మీడియాలో ప్రధాన వార్త అయింది.ఈ ఎస్సై స్కాములో ఆయన్ను అరెస్టు చేసేందుకు వెళ్లిన పోలీసులు ఇతర అధికారులు కూడా అచ్చెన్నాయుడు నివాస గృహాన్ని చూసి ఆశ్చర్యచకితులయ్యారు. ఆయన ఇంటిని ఒకసారి గమనిస్తే అది చాలా సామాన్యమైన ఇల్లు. ఐదేళ్లు మంత్రిగా పనిచేసిన అచ్చెన్నాయుడు శ్రీకాకుళం జిల్లాలోని తన స్వగ్రామంలో సాధారణ జనావాసాల మధ్య నివాసం సాగిస్తున్నారు.
ఆయన అన్న ఎర్రనాయుడు గతంలో కేంద్ర మంత్రిగా పనిచేసి ఉండి కూడా ఆయన సాధారణ జీవితం గడుపుతున్నారు.అచ్చెన్నాయుడు ఇంటిని గమనిస్తే పెంట్ హౌస్ కూడా లేదు.ఇంటి ముందు లాన్ గానీ ఏ విధమైన ఆడంబరాలు గానీ లేవు , ఒక సాధారణ ఇల్లు అది. ఆయన అవినీతి చేసారా లేదా అనేది పక్కన పెడితే ఆయన ఇంట్లోనే ఆయన నిజాయితీ కనపడుతుంది అని చెప్తున్నారు. సర్పంచ్ గా చేసిన వ్యక్తే రాజభోగాలు అనుభవిస్తున్న వేళ ఒక సీనియర్ రాజకీయ నాయకుడు 40 ఏళ్ళ నుంచి రాజకీయాల్లో ఉన్న కుటుంబానికి
చెందిన వ్యక్తి, 5 ఏళ్ళ పాటు మంత్రిగా ఇప్పుడు శాసనసభాపక్ష ఉపనేత, శ్రీకాకుళం జిల్లాలో కీలక నేతగా ఉన్న వ్యక్తి అంత సాదా సీదాగా ఉండటం చూసి చాలా మంది షాక్ అయ్యారు కూడా.
ఇక ఆయనను అరెస్ట్ చేసే సమయంలో దాదాపుగా హై ద్రామానే నడిచింది అనే చెప్పాలి. ఆయనకు కనీసం ఏ మాత్రం సమాచారం లేకుండా అదుపులోకి తీసుకున్నారు. అంత మంది అధికారులు వెళ్లి ఒక సీనియర్ నేతను మాజీ మంత్రిని అరెస్ట్ చేస్తున్నప్పుడు మీడియాకు కూడా ఏ విధమైన సమాచారం అనేది ఇవ్వలేదు.ఆయన ఇంటి గోడదూకి పోలీసులు లోనికి ప్రవేశించి అచ్చెన్నాయుడును గోడ దూకి ఒక ఒక ఉగ్రవాది మాదిరి అదుపులోకి తీసుకున్నారు.కుంభకోణంలో అచ్చెన్నాయుడు పాత్ర ఏమిటన్నది విచారణలో తేలుతుంది గాని ఆయనను అరెస్టు చేసిన తీరు మాత్రం విమర్శలకు గురవుతోంది.