Ram Charan : మెగా పవర్ స్టార్ రామ్ చరణ్ ప్రస్తుతం రాజమౌళి దర్శకత్వంలో “RRR” చేస్తున్న సంగతి తెలిసిందే. యంగ్ టైగర్ ఎన్టీఆర్ తో మొట్టమొదటిసారి చరణ్ నటిస్తున్న నేపథ్యంలో “RRR” సినిమాపై అంచనాలు ఓ రేంజిలో ఉన్నాయి. పైగా “బాహుబలి” వంటి భారీ బ్లాక్ బస్టర్ తర్వాత రాజమౌళి దర్శకత్వం వహిస్తుండటం తో దేశవ్యాప్తంగా సినిమా లవర్స్ అక్టోబర్ 13వ తారీకు కోసం ఎదురుచూస్తూ ఉంది.
ఇదిలా ఉంటే ఈ సినిమా తర్వాత రామ్ చరణ్ సౌత్ ఇండియా సెన్సేషనల్ డైరెక్టర్ శంకర్ దర్శకత్వంలో భారీ బడ్జెట్ లో సినిమా చేస్తున్న విషయం తెలిసిందే. అయితే ఈ సినిమా గురించి రకరకాల వార్తలు వైరల్ అవుతూ ఉన్నాయి. శంకర్ వంటి పెద్ద డైరెక్టర్.. రామ్ చరణ్ తో ఎలాంటి సినిమా తీస్తాడు అన్న దానిపై రకరకాల డిస్కషన్ లు జరుగుతున్నాయి. ఇలాంటి తరుణంలో ఇండస్ట్రీలో వినబడుతున్న బలమైన వార్త ఏమిటంటే పొలిటికల్ నేపథ్యంలో శంకర్… రామ్ చరణ్ తో సినిమా చేయబోతున్నట్లు వార్తలు అందుతున్నాయి. వాస్తవానికి విజువల్ ఎఫెక్ట్స్ తరహాలో గాని పిరియాడిక్ డ్రామా తరహాలో గాని శంకర్ సినిమా ఉంటుందని మెగా అభిమానులు ఆశించారు.
కానీ మెగా ఫ్యాన్స్ అంచనాలు తలకిందులు చేస్తూ అప్పట్లో యాక్షన్ కింగ్ అర్జున్ తో చేసిన “ఒకే ఒక్కడు” లాంటి బ్లాక్ బస్టర్ సినిమా తరహాలోనే చరణ్ తో సినిమా చేసే ఆలోచనలో శంకర్ ఉన్నట్లు టాక్. ఒకే ఒక్కడు సినిమాలో అర్జున్ ఒక రోజు ముఖ్యమంత్రి గా చేసి ఆ తర్వాత చివరిలో సీఎం అవ్వడం సినిమా సూపర్ డూపర్ హిట్టు అందరికీ తెలిసిందే. అదే మాదిరిగా రామ్ చరణ్ కూడా రాజకీయ నాయకుడిగా ప్రజెంట్ పాలిటిక్స్ అదేవిధంగా ప్రజా సమస్యలను సరికొత్తగా చూపిస్తూ యంగ్ సీఎం గా రామ్ చరణ్ ని చూపించే విధంగా శంకర్ కథ ఉండబోతున్నట్లు సరికొత్త టాక్ సౌత్ ఫిల్మ్ ఇండస్ట్రీలో వినబడుతోంది.
