పదవ వారంలో బిగ్బాస్ ఇంటినుండి మెహబూబ్ బయటికి వచ్చేశాడు. బాగా స్ట్రాంగ్ కంటెస్టెంట్ అనిపించుకున్న మహబూబ్ ఒక్కసారిగా బయటకు రావడంతో అందరూ షాక్ అయ్యారు. నిర్వాహకులపై కూడా విమర్శలు వెల్లువెత్తాయి. అతను ఎంత కష్టపడినా దురదృష్టం వెంటపడుతూనే ఉంటుందని ఎలిమినేట్ అయిన అనంతరం మెహబూబ్ ఎమోషనల్ అయ్యాడు.
బిగ్బాస్ చరిత్రలో ఒక కంటెస్టెంట్ ఎలిమినేట్ అయితే ఇంతటి ఉద్వేగానికి లోను అయిన సందర్భం ఉండదు అని అనుకుంటున్నారు. ఇక బయటకు వచ్చాక మెహబూబ్ ను ఎవరూ అంతగా పట్టించుకున్నట్లు అనిపించడం లేదు. మామూలుగా ఇంటి నుండి బయటకు వచ్చిన కంటెస్టెంట్ లకు ఇంటర్వ్యూ లతో హారతి ఇస్తారు. మీడియా కూడా వారి చుట్టూ తిరుగుతుంటుంది. ఇక యూట్యూబ్ ఛానల్ ల సంగతి చెప్పక్కర్లేదు. అయితే మీడియాలో మెహబూబ్ పెద్దగా కనిపించింది లేదు. అయితే తాజగా మహబూబ్ తన యూట్యూబ్ ఛానల్, సోషల్ మీడియా ద్వారా అభిమానులు అడిగిన ప్రశ్నలకు సమాధానం ఇచ్చాడు.
అయితే అందులో చాలా వరకు ఎవరికీ తెలియని వాటిని చెప్పాడు. అభిజిత్ కి తనకి మధ్య ఎంతో మంచి బంధం ఉందని…. దానిని నిర్వాహకులు చూపించలేదని అన్నాడు. హుకప్, కిల్, మ్యారీన్ టాస్క్ ను మెహబూబ్ కి ఇస్తే దివి, హారిక, అరియానా…. ఈ ముగ్గురిలో ఎవరికి ఏమి చెబుతారు అని అడిగారు.
అందుకు మెహబూబ్ అరియానా ను చంపేస్తానని, హారిక తో డేటింగ్ కు వెళ్తానని…. దివి ని పెళ్లి చేసుకుంటానని చెప్పాడు. ఇంట్లో కూడా మెహబూన్ దివి తో క్లోజ్ గా ఉంటాడు. ఒక సందర్భంలో మెహబూబ్ దివి ని ఎత్తుకొని వచ్చినప్పుడు అమ్మరాజశేఖర్ బాగా హర్ట్ అయ్యాడు. మెహబూబ్ కి దివి పై అంత ఇంట్రెస్ట్ ఉందని బయట వార్తలు చక్కర్లు కొడుతున్నాయి