Positivity : మీకు ఆహ్లాదం, ప్రశాంతత, మనః శాంతి మంచి ఆలోచనలు, మంచి ఆరోగ్యం కావాలనుకుంటే ఏవేవో పెద్ద పెద్ద పనులు చేయవలిసిన అవసరం ఎంతమాత్రం లేదు. చేయవలిసిందల్లా ఇంటిని శుభ్రం గా ఉంచు కుంటే చాలు ఇల్లు పెద్దదా, చిన్నదా అన్నదానితో సంబంధం లేదు ఉన్నదాన్ని నీట్గా అందం గా చేసుకోవాలి. ఇల్లు శుభ్రం గా లేకపోతే హాయిగా ఉండదు… చిరాకు, విసుగు, కోపం వస్తుంటాయి. కాబట్టి ఇంటిలో ఎక్కడ కూడా చిందరవందరగా లేకుండా ఒక ప్లాన్ ప్రకారం కనిపించే వస్తువులని అన్ని కూడా సర్దేయండి.
వస్తువులు చిందర వందర గా ఉంటే మీ ఏకాగ్రత కూడా దెబ్బతింటుంది. కాబట్టి మొదట దీనిమీద దృష్టి పెట్టండి. తీసిన వస్తువు ని తీసిన చోట పెడితే రూమ్ అంతా చాల అందంగా ఉంటుంది. ఇంటి గోడలకు, అలంకరణ లో మనసుకి నచ్చిన రంగుల్ని వేసుకుంటే ఆహ్లాదం గా ఆనందంగాఉంటుంది. కాబట్టి మీ ఇంట్లో ఉండే కలర్స్ పై కూడా మీరుశ్రద్ధ పెట్టి తీరాలిసిందే.. మొక్కలు కూడా మనకు ఒత్తిడి ని దూరం చేయడంలో ముఖ్యపాత్రని పోషిస్తాయి. మనసుకు ఆహ్లాదాన్ని, ఆరోగ్యాన్ని కలిగిస్తాయి. పెరటి మొక్కలు ఇంటి అందాన్ని పెంచడం తో పాటు ఇంటి అవసరాలని కూడా తీరుస్తాయి. కాబట్టి ఆకు కూరలు,కూరగాయలను మనమే పండిస్తే ఒత్తిడి దూరం అవడం తో పాటు సంతృప్తి కలుగుతుంది.
అపార్ట్‌మెంట్ల లో ఉండేవాళ్లయితే, కుండీల్లో పెంచుకునే మొక్కలను బాల్కనీల్లో అందంగా సర్దేసుకోవచ్చు. ఇల్లు ఎప్పుడో ఒకసారి శుభ్రం చేయడం కాకుండా.. ఎప్పటికప్పుడు శుభ్రం చేసుకుంటూ అందం గా ఉంచుకుంటే చాల శ్రమ తగ్గిపోతుంది. పాత దుస్తులు, పనికిరాని వస్తువులను ఎప్పటి కప్పుడు బయటకు పంపించేయాలి. వీటిని అలా ఉండచేయడం వలన ఇంటి అందాన్ని దెబ్బతీయడంతో పాటు బొద్దింకలు, దోమలకు నివాస స్థానం గా మారి లేనిపోని రోగాలు వస్తాయి. మీకు అవసరం లేనివి అవసరం అయిన వాళ్ళకి ఇస్తే, మీకు ఆనందం తో పాటు పాజిటివిటీ వస్తుంది. దానం చేయడంలో ఉండే గొప్ప సంతృప్తిని అనుభవించవచ్చు.జీవితం లో డెవలప్ మెంట్ ,పోజిటివిటీ ఇలా చేయడం వలన వచ్చి తీరుతుంది నమ్మకం కలగకపోతే చేసిచూడండి.
