30.2 C
Hyderabad
December 6, 2022
NewOrbit
తెలంగాణ‌ న్యూస్ రాజ‌కీయాలు

Breaking: మంత్రి మల్లారెడ్డి కుమారుడికి అస్వస్థత.. ఆసుపత్రికి తరలింపు

Share

Breaking: తెలంగాణ మంత్రి మల్లారెడ్డి, అతని కుటుంబ సభ్యులు, బంధువులు, సన్నిహితుల నివాసాల్లో ఐటీ సోదాలు జరుగుతున్న సంగతి తెలిసిందే. మంగళవారం ఉదయం నుండి ప్రారంభమైన ఐటీ అధికారుల తనిఖీలు రాత్రి కూడా కొనసాగాయి. అయితే ఐటీ అధికారుల సోదాలు చేస్తున్న సమయంలో మల్లారెడ్డి పెద్ద కుమారుడు మహేందర్ రెడ్డి స్వల్ప అస్వస్థతకు గురైయ్యారు. ఛాతి లో నొప్పి రావడంతో ఆయనను కుటుంబ సభ్యులు వెంటనే సూరారంలోని ఆసుపత్రికి తరలించారు.

Malla Reddy

 

తన కుమారుడు మహేందర్ రెడ్డి అస్వస్థతకు గురైన విషయం తెలుసుకున్న మంత్రి మల్లారెడ్డి ఆసుపత్రికి వెళ్లేందుకు బయలుదేరారు. అయితే అక్కడే సోదాలు జరుపుతున్న ఐటీ అధికారులు బయటకు వెళ్లడానికి వీలులేదని నిలువరించారు. అధికారులను నెట్టివేసి మంత్రి తన ఇంటి నుండి బయటకు వచ్చేసి ఆసుపత్రికి వెళ్లారు. అనంతరం ఆయన ఐటీ తనిఖీలపై స్పందించారు. రాజకీయ కుట్రతోనే దాడులకు పాల్పడుతున్నారని మంత్రి మల్లారెడ్డి ఆరోపించారు. తన పెద్ద కుమారుడిని ఇబ్బంది పెట్టడం వల్లనే ఛాతి నొప్పి వచ్చిందని ఆవేదన వ్యక్తం చేశారు. అధికారుల తీరుపై ఆయన తీవ్ర అసహనం వ్యక్తం చేశారు. మేము ఏమైనా దొంగ వ్యాపారం చేస్తున్నామా అని ప్రశ్నించారు. తాను కష్టపడి సంపాదించాననీ, సమాజంలో నిజాయితీ మెలిగామని అన్నారు. ఎన్నో సంవత్సరాలు కష్టపడితే ఈ స్థాయికి ఎదిగామన్నారు. బీజేపీ దాడులకు భయపడేది లేదని మంత్రి మల్లారెడ్డి అన్నారు.


Share

Related posts

‘కేంద్రం నుండి ఆహ్వానం’

somaraju sharma

ఏపీలో “బీజేపీ స్టైల్ గేమ్” ఇప్పుడే మొదలయింది..! తిరుపతి ఓటర్లకు సవాలే..!!

Srinivas Manem

Renu Desai: పవన్ ఫ్యాన్స్ పై కీలక వ్యాఖ్యలు చేసిన రేణు దేశాయ్..!!

sekhar