Israel Modi: ఇజ్రాయిల్(Israel) పార్లమెంట్ రద్దు కావడంతో నాలుగు సంవత్సరాలలో ఐదోసారి ఎన్నికలకు రెడీ అవుతుంది. గత కొన్ని సంవత్సరాల నుండి ఇజ్రాయిల్ రాజకీయ సంక్షోభంతో కొట్టుమిట్టాడుతుంది. వివిధ పార్టీలు కలిసి ప్రభుత్వాలను ఏర్పాటు చేసినప్పటికీ… విజయవంతంగా పరిపాలించలేని పరిస్థితి నెలకొంది. తాజాగా నఫ్తాలి బెన్నెట్(Naftali Bennett).. ప్రభుత్వం.. పార్లమెంట్ లో మద్దతు కూడగట్టడంలో విఫలం కావడంతో.. ప్రధాని పదవిని కోల్పోవాల్సి వచ్చింది. గత రెండు నెలల నుండి ఇజ్రాయిల్ పార్లమెంట్ లో మెజారిటీ లేకుండానే బెన్నెట్ అధికారంలో కొనసాగడం జరిగింది. ఈ క్రమంలో చర్చలు నిర్వహిస్తుండగా.. పార్లమెంటు రద్దు కావడం జరిగింది.
- Read the latest news in Telugu from AP and Telangana’s most trusted news website.
- Follow us on facebook , Twitter , instagram and Googlenews
ఈ పరిణామంతో నాలుగేళ్ల వ్యవధిలో.. ఇజ్రాయిల్ లో ఐదోసారి ఎన్నికలు నిర్వహించడానికి సన్నాహాలు చేస్తున్నారు. బెన్నెట్ కి ముందు ప్రభుత్వం ఏర్పాటు చేసిన బెంజమిన్ నేతన్యహు… ప్రభుత్వం కూడా గత ఏడాది జనవరిలో కూలిపోయింది. ఇదిలా ఉంటే కొత్త ప్రభుత్వం ఏర్పడే వరకు ఇజ్రాయిల్ ఆపధర్మ ప్రధానమంత్రిగా యయిర్ లపిడ్‌ కొనసాగునున్నారు. ఇటువంటి తరుణంలో కొత్త ప్రధాని యయిర్ లపిడ్‌(Yair Lapid) కి దేశ ప్రధాని మోడీ శుక్రవారం అభినందనలు తెలియజేశారు. ఇజ్రాయిల్ అధికార భాష హీబ్రూ, ఇంగ్లీష్ భాషలలో యయిర్ లపిడ్‌ కి శుభాకాంక్షలు తెలిపారు.
యయిర్ లపిడ్‌ ఇజ్రాయిల్ ప్రధానమంత్రిగా బాధ్యతలు చేపట్టినందుకు హృదయపూర్వక శుభాకాంక్షలు. ఇరుదేశాల మధ్య సంపూర్ణ దౌత్య సంబంధాలను ఏర్పరచుకొని 30 సంవత్సరాల సంబరాలను జరుపుకుంటున్న విషయాన్ని గుర్తు చేస్తూ.. మరింతగా భారత్ మరియు ఇజ్రాయిల్ దేశాల వ్యూహాత్మక భాగస్వామ్యం పటిష్టంగా కొనసాగించాలని కోరారు. ఇక ఇదే సమయంలో ప్రధాని పదవి నుండి దిగిపోయిన బెన్నెట్ నీ ఉద్దేశించి.. భారతదేశానికి నిజమైన మిత్రునిగా వ్యవహరించినందుకు ధన్యవాదాలు అని పేర్కొన్నారు. మనిద్దరి మధ్య జరిగిన విజయవంతమైన సంభాషణలను.. నేను ఎప్పటికీ మర్చిపోలేను. భవిష్యత్తులో మీరు విజయం సాధించాలని కోరుకుంటున్నాను అని మోడీ సోషల్ మీడియాలో కామెంట్లు చేయడం జరిగింది.
