Mohanbabu: “మా” అధ్యక్ష ఎన్నికలలో మంచు విష్ణుకి మొదటి నుండి బాలకృష్ణ సపోర్టు ఉన్న సంగతి తెలిసిందే. “మా” అధ్యక్ష ఎన్నికల ప్రచారంలో కూడా.. మంచు విష్ణు స్వయంగా బాలకృష్ణ వద్దకు వెళ్లి ఆయన బ్లెస్సింగ్ తీసుకుని ఆ ఫొటోలను సోషల్ మీడియాలో రిలీజ్ చేసి.. బాలయ్య మద్దతు తనకు అని స్పష్టం చేయడం జరిగింది. ఆ తర్వాత పలు సోషల్ మీడియా ఇంటర్వ్యూలలో “మా” అధ్యక్ష భవనానికి సంబంధించి.. మంచు విష్ణు నిలబడితే కచ్చితంగా అతనికి తోడుగా నిలబడతాను సపోర్ట్ చేస్తాను అని బాలకృష్ణ తెలియజేశారు. అనంతరం ఎన్నికలలో స్వయంగా బాలయ్యబాబు రంగంలోకి దిగి ఓటు వేయడం కూడా జరిగింది. దీంతో జరిగిన అధ్యక్ష ఎన్నికలలో మంచు విష్ణు భారీ మెజార్టీతో గెలవడం తో తాజాగా విష్ణు తో పాటు మోహన్ బాబు.. బాలయ్య తో భేటీ అయ్యారు. అనంతరం మీడియాతో మోహన్ బాబు మాట్లాడుతూ బాలయ్య పై సంచలన వ్యాఖ్యలు చేశారు.
లోకేష్ కి వ్యతిరేకంగా వైసీపీ కి మద్దతుగా…
సంస్కారానికి నిదర్శనం బాలయ్యబాబు అని కొనియాడారు. గత ఎన్నికల సమయంలో మంగళగిరి నియోజకవర్గంలో బాలయ్య బాబు అల్లుడు లోకేష్ కి వ్యతిరేకంగా వైసీపీ కి మద్దతుగా నేను ప్రచారం చేయడం జరిగింది. అయితే ఆ సమయంలో జరిగిన ఎన్నికలలో.. లోకేష్ ఓడిపోయారు. ఇదంతా పక్కన పెడితే ఆ సమయంలో బాలకృష్ణకి వ్యక్తిగతంగా ఫోన్ చేశాను, మీతో కలిసి మాట్లాడాలని అనుకుంటున్నాను అని అనగానే ఆయన చాలా సింపుల్ గా.. ఎప్పటిలాగానే తప్పకుండా బ్రదర్ అని బదులిచ్చారు. మనసులో ఎటువంటి కల్మషం పెట్టుకోకుండా యధావిధిగా నాతో మాట్లాడారు. మీరు ఎప్పుడు కలవాలి అనుకుంటే అప్పుడు కలవచ్చు అని కూడా బాలయ్య ఆ సమయంలో తన తో ఫోన్లో సంభాషించినటు మోహన్ బాబు తెలిపారు.
మంచు విష్ణుకి బాలయ్య బాబు ఆశీస్సులు…
ఇక ఇదే సమయంలో ఆ తర్వాత మంచు విష్ణు .. “మా” అధ్యక్ష ఎన్నికలలో పోటీకి నిలబడుతున్నారు ప్రకటించడంతో స్వయంగా బాలకృష్ణ యే.. మద్దతు తెలపడం జరిగింది అని, ఆ సమయంలో తాను ఫోన్ చేస్తే మీరు నాకు చెప్పాలా..??, మీరు చెబితే నేను విష్ణు కి మద్దతు ఇవ్వాలా..?? అంటూ.. తనదైన శైలిలో తెలియజేస్తూ మంచు విష్ణుకి బాలయ్య బాబు ఆశీస్సులు ఇవ్వటం జరిగిందని అన్నారు. తన చిన్న అల్లుడు లోకేష్ కి తాను వ్యతిరేకంగా ప్రచారం చేసినా గాని తన కొడుకు మంచు విష్ణుకి “మా” అధ్యక్ష ఎన్నికలలో బాలయ్య బాబు అండగా ఉన్నారని.. “మా” బిల్డింగ్.. కట్టడానికి కూడా ముందుకు రావటం మాత్రమే కాక సపోర్ట్ చేస్తున్నట్లు మోహన్ బాబు కొనియాడారు. నిజంగా బాలకృష్ణ సంస్కారానికి నిదర్శనం అన్న తరహాలో మీడియా ముందు.. తెలియజేస్తూ ఆయనకి కృతజ్ఞతలు తెలపడానికి వచ్చినట్లు స్పష్టం చేశారు.
