బిగ్ బాస్.. ఎంతోమందికి లైఫ్ ఇచ్చిన ప్లాట్ పాం అది. ఒక్క తెలుగులోనే కాదు.. హిందీ, తమిళ్, కన్నడ.. ఇలా అన్ని భాషల్లో బిగ్ బాస్ షోను నిర్వహించారు. బిగ్ బాస్ షోలో అవకాశం రావడం అనేది కోట్ల మందిలో ఒక్కరికి వస్తుంది. బిగ్ బాస్ షోలో అవకాశం వచ్చిందంటే చాలు.. వాళ్ల లైఫ్ టర్న్ అయినట్టే.
బిగ్ బాస్ 4 తెలుగులో అవకాశం దక్కించుకున్న మోనల్ గజ్జర్ లైఫ్ కూడా టర్న్ అయింది. బిగ్ బాస్ 4 తెలుగు సీజన్ లో ఏ కంటెస్టెంట్ కు రానంత పాపులారిటీ మోనల్ కు వచ్చింది. గుజరాతీ అమ్మాయి మోనల్ కు తెలుగు రాష్ట్రాల్లో పెద్ద ఫ్యాన్ ఫాలోయింగ్ ఏర్పడింది.
బిగ్ బాస్ విన్నర్ అభిజీత్ కంటే కూడా తెలుగులో బుల్లితెర మీద వెండి తెర మీద అవకాశాలు క్యూ కడుతున్నాయి. బిగ్ బాస్ నుంచి బయటికి రాగానే ఓ సినిమాలో ఆఫర్ కొట్టేసింది. ఆ సినిమా రిలీజ్ కూడా అయిపోయింది. తర్వాత స్టార్ మా డ్యాన్స్ ప్లస్ షోలో జడ్జిగా చాన్స్ కొట్టేసింది ఈ సుందరి.
తాజాగా డ్యాన్స్ ప్లస్ షోలో మోనలే సెంటర్ ఆఫ్ అట్రాక్షన్ గా నిలుస్తోంది. తాజాగా స్టార్ మా రిలీజ్ చేసిన ప్రోమో చూస్తే అదే అనిపిస్తోంది. చిరంజీవి రిక్షావోడు సినిమా లుంగీ పాటకు టీమ్ డ్యాన్స్ వేసిన తర్వాత పవన్ కళ్యాణ్ గబ్బర్ సింగ్ పాట ఆకాశం అమ్మాయైతే నీలా ఉంటుందే.. పాటకు కంటెస్టెంట్లతో కలిసి మోనల్ గజ్జర్ డ్యాన్స్ వేసింది. ఆమె డ్యాన్స్ కు స్టేజ్ మొత్తం ఉర్రూతలూగిపోయింది. ఎంతైనా బిగ్ బాస్ 4 సీజన్ కంటెస్టెంట్లలో ఏ కంటెస్టెంట్ కు రాని పాపులారిటీ మోనల్ కే వచ్చింది అనడంలో సందేహం లేదు.
