Monal gajjar : మోనాల్ గజ్జర్ కి బిగ్ బాస్ 4 తర్వాత విపరీతంగా క్రేజ్ వచ్చేసింది. బిగ్ బాస్ కి రాకముందు మాతృభాషలో సినిమాలు చేసుకుంటున్న మోనాల్ గజ్జర్ కి బిగ్ బాస్ 4 లో పాల్గొనే అవకాశం వచ్చింది. అంతకముందు టాలీవుడ్ లో రెండు మూడు సినిమాలు చేసి తట్టా బుట్టా సర్దేసుకుంది. ఆ పేరు చెప్పినా ఎవరు అని ఆలోచించేంత దూరంలో ఉన్న మోనాల్ కి బిగ్ బాస్ బిగ్ కెరీర్ ని ఇచ్చింది. హాట్ హాట్ అందాలతో హూజ్ లో హంగామా చేసిన మోనాల్ కి ఫ్యాన్ ఫాలోయింగ్ విపరీతంగా పెరిపోయింది. దాంతో టాలీవుడ్ మేకర్స్ మోనాల్ గజ్జర్ కి అవకాశాలివ్వడానికి రెడీ అయిపోయారు.
ఇప్పటికే అల్లుడు అదుర్స్ సినిమాలో ‘రంభ ఊర్వశి మేనకా..’ అంటూ ఐటమ్ సాంగ్ లో స్టెప్పులేసి ఒక ఊపు ఊపుంది. ఈ సాంగ్ అమ్మడికి బాగానే పేరు తెచ్చింది. బొద్దుగా ఉన్న మోనాల్ డాన్స్ తో యూత్ ని బాగా ఆకట్టుకుంది. ఈ సాంగ్ చూశాక తమిళ సినిమాలలో అవకాశాలు వస్తాయన్న టాక్ వినిపిస్తోంది. ఎందుకంటే కోలీవుడ్ జనాలకి ఎర్రగా బుర్రగా బొద్దుగా ఉంటేనే నచ్చుతారు. ఆ రకంగా మోనాల్ కి కోలీవుడ్ లో ఆఫర్స్ వస్తాయని చెప్పుకుంటున్నారు. తెలుగులో కూడా రెండు – మూడు సినిమాలలో నటించేందుకు సైన్ చేసిందని వార్తలు వస్తున్నాయి.
Monal gajjar : మోనాల్ గజ్జర్ కూడా బాలీవుడ్ ఇండస్ట్రీ మీద గట్టిగా ఫోకస్ పెడుతున్నట్టు చెబుతోంది.
అయితే ఈ లోపు బాలీవుడ్ లో సూపర్ హిట్ అందుకొని అక్కడా హాట్ టాపిక్ అయింది ఈ బొద్దుగుమ్మ. రీసెంట్ గా మోనాల్ గజ్జర్ నటించిన బాలీవుడ్ సినిమా కాగజ్.. జీ5 లో విడుదలై పాజిటివ్ టాక్ ని సంపాదించుకుంది. అంతేకాదు బాలీవుడ్ లో విమర్శకుల ప్రశంసలు అందుకుంటోంది. కాగజ్ సినిమాను కండలవీరుడు సల్మాన్ ఖాన్ నిర్మించడం విశేషం. కాగా బాలీవుడ్ నటుడు దర్శకుడు సతీష్ కౌశిక్ కాగజ్ కి దర్శకత్వం వహించాడు. బాలీవుడ్ క్రేజీ స్టార్ పంకజ్ త్రిపాఠీతో మోనాల్ గజ్జర్ నటించి పేరు తెచ్చుకుంది. దాంతో ఇప్పుడు బాలీవుడ్ నుంచి మోనాల్ గజ్జర్ కి మంచి అవకాశాలు వస్తున్నట్టు సమాచారం. మోనాల్ గజ్జర్ కూడా బాలీవుడ్ ఇండస్ట్రీ మీద గట్టిగా ఫోకస్ పెడుతున్నట్టు చెబుతోంది.
Manchu Manoj: కూతురు పుట్టిన వెంటనే మంచు మనోజ్ చేసిన పనికి అవాక్ అయిన మౌనిక.. కన్నీళ్లు పెట్టుకుంటూ ఎమోషనల్..!