మీ పిల్లలకు డబ్బు గురించి నేర్పించడం వంటి కొత్త నైపుణ్యాలకు ఇది సరైన సమయం. కార్యాలయాలు మరియు పాఠశాలలు మూసివేయబడినవి లేదా రిమోట్గా పనిచేస్తు ఉండడం వలన మీరు మనీ మైంటెనెన్సు గురించి మీ పిల్లలతో చర్చించడానికి తగినంత సమయం వెచ్చించడం మంచింది. మీ పిల్లలు డబ్బు గురించి తెలుసుకోవడానికి చాలా చిన్నవారని మీరు అనుకుంటే, మీరు పొరపాటు పడినట్లే.
మీ పిల్లలకు పొదుపును నేర్పండి. డబ్బు ఆదా చేయడం ఎందుకు ముఖ్యమైనదో మరియు భవిష్యత్తులో అది వారికి ఎలా సహాయపడుతుందో వారికి అర్ధం అయ్యేలాగా చెప్పండి. దీన్ని అర్థం చేసుకోవడంలో వారికి సహాయపడండి. అందుకు ప్రతి నెలా వారికి పాకెట్ మనీ ఇవ్వండి… కాని దాని కోసం వారు పని చేసేలా చేయండి. వారు ఇంటిలో మీకు సహాయం చెయ్యమని చెప్పండి. ఇది వారి డబ్బు కాబట్టి , వారు మరింత బాధ్యత వహిస్తారు. ప్రతి నెల చివరలో వారి ఖర్చులను ట్రాక్ చేసి ఇంకా ఎలా ఆదా చెయ్యొచ్చు చెప్పండి.
మీ పిల్లలు తమ జేబులో డబ్బును అవసరమైన వస్తువులకు ఖర్చు చేయమని ప్రోత్సహించండి. అప్పుడు వారు ఎక్కడ ఖర్చు చేయాలో మరియు ఏమి ఖర్చు చేయవచ్చో నేర్చుకుంటారు. ఈ నైపుణ్యం వారు పెరిగేకొద్దీ వారికి ఎంతో సహాయపడుతుంది. అంతేకాక, వారు తమ డబ్బుతో ఏదైనా కొనడంలో గర్వంగా భావిస్తారు. ఇది మంచి అలవాటు. ఇది వారి భవిష్యత్ ఆర్థిక పరిస్థితులను చక్కగా నిర్వహించడానికి వీలు కల్పిస్తుంది.
చిన్న వయస్సులోనే మనీ మైంటెనెన్సును అలవాటు చెయ్యడం చాలా సులభం. దీని వలన వారు భవిష్యత్తులో అనవసరమైన అప్పులబారిన పడటం మరియు తప్పు నిర్ణయాలు తీసుకోవడం వంటివి చెయ్యకుండా ఉంటారు. చిన్న వయస్సులోనే మనీ మైంటెనెన్సును నేర్పించినందుకు వారు ఒక రోజు మీకు తప్పక కృతజ్ఞతలు తెలుపుతారు.