Perni Nani: నిన్న “లవ్ స్టోరీ” ప్రీ రిలీజ్ వేడుకలో సినిమా ఇండస్ట్రీ సమస్యల విషయంలో రెండు తెలుగు రాష్ట్రాల ప్రభుత్వాలు.. సానుకూలంగా జీవోలు ఇవ్వాలని సమస్యలు అర్థం చేసుకోవాలని చిరంజీవి విజ్ఞప్తి చేయడం తెలిసిందే. ఇదే క్రమంలో సినిమా టికెట్లు ఆన్ లైన్ బుకింగ్ విధానాన్ని అందుబాటులోకి తీసుకురావడానికి ఏపీ ప్రభుత్వం ఆలోచన చేస్తున్నట్లు కూడా వార్తలు వచ్చాయి. ఈ విషయం పై ఇండస్ట్రీ నుండి వ్యతిరేకత వస్తున్న క్రమంలో ఈ విధానాన్ని సినీపెద్దల ఆహ్వానించారని మంత్రి పేర్ని నాని గతంలో స్పష్టం చేశారు.
పరిస్థితి ఇలా ఉంటే ఈరోజు సెక్రెటరీయాట్ లో.. మంత్రి పేర్ని నాని తో సినిమా ఇండస్ట్రీ పెద్దలు.. డిస్ట్రిబ్యూటర్లు, నిర్మాతలు.. థియేటర్ యజమానులు భేటీ అయ్యారు. ఆన్ లైన్ టికెట్ వ్యవస్థ… కొవిడ్ ప్రభావం వల్ల ఇండస్ట్రీకి ఎదురైన సమస్యలపై సమావేశంలో చర్చిస్తున్నారు. ఇదే సమావేశంలో ఇంకా ఆన్లైన్ టికెట్ బుకింగ్ విధానం విషయంలో నిర్ణయం తీసుకోలేదని.. మంత్రి పేర్ని నాని స్పష్టం చేయడం జరిగింది. ఈ క్రమంలో మెజార్టీ సినీ పెద్దలు ఆన్ లైన్ లో టిక్కెట్ల విక్రయానికి మొగ్గుచూపుతున్నట్లు పేర్ని నాని స్పష్టం చేశారు.
ఈ క్రమంలో పన్నుల రూపంలో ప్రభుత్వానికి రావాల్సిన దాన్ని మినహాయించుకుని.. రియల్ టైం లోనే మనీ ట్రాన్స్ఫర్ చేయాలనే ఆలోచనలో ప్రభుత్వం ఉన్నట్లు.. పేర్ని నాని గతంలో స్పష్టం చేశారు. ఈ నేపథ్యంలో ప్రస్తుతం జరుగుతున్న సమావేశాలలో ఆన్ లైన్ టికెట్ బుకింగ్ విధానంపై.. ప్రధానంగా చర్చ జరుగుతున్న నేపథ్యంలో లో.. సమావేశం అనంతరం ఎటువంటి నిర్ణయాలు వెలువడుతాయి అన్న దానిపై ఉత్కంఠ నెలకొంది.