Mrunal Thakur: హీరోయిన్ మృణాల్ ఠాగూర్ అంటే తెలిసినవాళ్లు చాలా తక్కువమంది ఉంటారు. కానీ ‘సీతారామం’ మూవీ హీరోయిన్ అనగానే అందరికీ ఆమె ఎవరో ఠక్కున గుర్తుకొస్తుంది. ఈ అందాల తార సీతారామం సినిమాతో తెలుగు ప్రేక్షకులకు పరిచయమైంది. ‘సీత’ అనే పేరుతో అందరి మనసులో తనదైన ముద్ర వేసుకుంది. సీత క్యారెక్టర్కి ఉన్న క్రేజ్ అలాంటిది మరి. ఈ అమ్మడు బాలీవుడ్ ప్రేక్షకులకు సుపరిచుతురాలే అయినా మన తెలుగు ప్రేక్షకులకు మాత్రం సీత రామం సినిమాతోనే పరిచయం అయింది.
Mrunal Thakur: సౌత్లో మెనీ ఆఫర్స్
సీతారామం సినిమాలో మృణాల్ తన బ్యూటిఫుల్ కళ్లతో అద్భుతమైన నటనతో ప్రేక్షకులను కళ్లు తిప్పుకోకుండా చేసింది. మొదటి సినిమాతోనే బ్లాక్ బస్టర్ హిట్ అందుకుంది. టాలీవుడ్ ప్రముఖుల నుంచి ప్రశంసలూ అందుకుంది. ఈ సినిమాతో సౌత్లో ఆమెకు విపరీతమైన డిమాండ్ నెలకొన్నది. ఈ అందాల బొమ్మకు ఇప్పుడు కాల్షిట్ మొత్తం వరుసగా తెలుగు సినిమాలతో నిండిపోయాయి. కానీ ఈ భామ నుంచి ఎలాంటి కొత్త అప్డేట్స్ మాత్రం రావడం లేదు. అయినా కూడా సోషల్ మీడియాలో ఈ అమ్మడుకు సంబంధించి ఏదో ఒక టాపిక్ వస్తూనే ఉంది.
నానితో పనేంటి
తాజాగా మృణాల్ నేచరల్ స్టార్ నానిని కలిసిందనే విషయం సోషల్ మీడియాలో ట్రెండ్ అవుతున్న టాపిక్. వీరిద్దరూ కలిసి దిగిన ఫొటో చూసి వీరి కాంబోలో ఓ సినిమా రాబోతుందేమో అని ఎక్స్పెక్ట్ చేస్తున్నారు. ఇప్పటికే నాని, హను రాఘవాపుడి కాంబోలో ఓ సినిమా వచ్చింది. ప్రస్తుతం మళ్లీ వీరి కాంబినేషన్లో మరో మూవీ రాబోతుందని నిర్మాత అశ్వినీ దత్ అనౌన్స్ చేసారు. ఈ సినిమాలో హీరోయిన్గా ఈ ముద్దుగుమ్మ నటించే అవకాశం ఉందని తెలుస్తోంది. అంతే కాకుండా ఎన్టీఆర్, కొరటాల శివ కాంబినేషన్లో వచ్చే సినిమాలో కూడా మృణాల్ ని హీరోయిన్గా అనుకున్నట్లు వార్తలు వస్తున్నాయి.