ముక్కు అవినాష్ తెలుసు కదా. అదేనండి.. బిగ్ బాస్ 4 లో ఉన్న అవినాష్ గురించే మనం మాట్లాడుకునేది. బిగ్ బాస్ హౌస్ లో కూడా బాగానే ట్రై చేస్తున్నాడు కానీ ఎవ్వరూ వర్కవుట్ కావడం లేదు. ప్రస్తుతం హౌస్ లో సేఫ్ గానే ఉన్నాడు. టాప్ కంటెస్టెంట్లలో ఒకరిగా ఉండటం మాత్రం ఖాయం. హౌస్ లో ప్రస్తుతం కాస్తో కూస్తో కామెడీ పండిస్తున్నదంటే అవినాష్ మాత్రమే.
అవినాష్ జబర్దస్త్ ను వదిలేసి బిగ్ బాస్ హౌస్ కు వైల్డ్ కార్డ్ ఎంట్రీ ద్వారా వచ్చాడు. ఇప్పటి వరకు నామినేషన్లలోకి కూడా వెళ్లలేదు. తనకు ఓ లవ్ స్టోరీ ఉందని.. అయితే తమ లవ్ స్టోరీ బ్రేకప్ అయిపోయిందని చెప్పాడు కానీ.. తన లవ్ స్టోరీ గురించి పూర్తిగా చెప్పలేదు.అయితే.. అవినాష్ లవ్ స్టోరీ గురించి అతడి తమ్ముడు అజయ్ చెప్పాడు. అసలు అవినాష్ లవ్ ఎలా బ్రేకప్ అయింది.. అసలు ఏం జరిగింది.. అనే విషయాలను అజయ్.. ఓ ఇంటర్వ్యూలో చెప్పుకొచ్చాడు.
అవినాష్ పదో తరగతి చదువుతున్న సమయంలో ఓ అమ్మాయిని ప్రేమించాడట. చదువు మీద కూడా అంతగా ఆసక్తి చూపించకుండా.. అవినాష్ ఆ అమ్మాయి వెంటే పడేవాడట. ఆమె గురించే ఎప్పుడూ ఆలోచించేవాడట.
అప్పుడు నేను ఐదో తరగతి చదువుతున్నా. అన్నయ్య 10వ తరగతి చదువుతున్నాడు. ఆ అమ్మాయి వెనుక పడుతున్నాడని తెలుసు కానీ.. పెద్దగా పట్టించుకునే వాడిని కాదు. అన్నయ్య ఓ రూపాయి ఇవ్వు.. మైసూర్ పాక్ కొనుక్కుంటా అని రోజూ విసిగించేవాడిని. ఆ అమ్మాయి ధ్యాసలో పడి డబ్బులు లేవంటూ చిరాకు పడేవాడు. అయితే.. అన్నయ్య ప్రేమించిన అమ్మాయి నాకు డబ్బులిచ్చేది. దీంతో నేను థాంక్యు అక్క అని అనేవాడిని. కొన్నేళ్లు ఇద్దరూ ప్రేమించుకున్నారు కానీ.. తర్వాత ఏమైందో తెలియదు.. ఇద్దరూ విడిపోయారు. తర్వాత ఆ అమ్మాయికి పెళ్లయిపోయింది.
దీంతో అన్నయ్య లవ్ ను వదిలేసి కెరీర్ మీద ఫోకస్ పెట్టారు. మిమిక్రీలు, స్టేజ్ షోలు చేయడం ప్రారంభించారు. అలా ఒక్కో మెట్టు ఎదుగుతూ.. ప్రస్తుతం జబర్దస్త్, బిగ్ బాస్ లాంటి పెద్ద షోల్లో పనిచేస్తున్నారు.. అంటూ అజయ్ చెప్పుకొచ్చాడు.