తమిళ ఇండస్ట్రీలో మంచి రైటర్ గా తన సత్తా ఏమిటో నిరూపించుకోవాలన్న కసితో చెన్నై చేరుకున్నాడు మురుగదాస్. కాని కొన్నేళ్లకి గడిచిన తర్వాత మురుగదాస్ కి దర్శకత్వం మీద ఆసక్తి కలిగింది. దీంతో మొదట అసిస్టెంట్ డైరెక్ట ర్ గా పనిచేసిన మురుగదాస్ అనంతరం తమిళ ఇండస్ట్రీలో సినిమాలు తీయడం మొదలు పెట్టారు. ప్రారంభంలో కాస్త ఆటుపోట్లు ఎదుర్కొన్నా… మెల్లగా ఇండస్ట్రీలో హిట్లను సాధించడం మొదలుపెట్టారు. ఆయన తీసిన స్టాలిన్, కత్తి ,తుపాకీ, గజిని, సెవెంత్ సెన్స్, స్పైడర్.. ఇలా తెలుగు ,తమిళనాట వరసగా సినిమాలు తెరకెక్కించాడు. వీటిలో ఎక్కువగా సూపర్ హిట్సే ఉన్నాయి.
అందుకే తెలుగు ఇండస్ట్రీలోనూ మురుగదాస్ అంటే తెలియని వారంటూ ఎవరూ ఉండరు. ఇప్పుడు ఈయన కేవలం టాలీవుడ్, కోలీవుడ్, బాలీవుడ్ మాత్రమే కాదు ఏకంగా హాలీవుడ్ రేంజ్ లో సినిమా తీయబోతున్నట్లు పుకార్లు షికార్లు కొడుతున్నాయి. ఇకపోతే ఏ ఇండస్ట్రీ కైనా బడ్జెట్ ని బట్టే సినిమా క్వాలిటీ ఉంటుంది. దానికి పర్ఫెక్ట్ ఎగ్జాంపుల్ శంకర్, రాజమౌళి. భారీ బడ్జెట్ సినిమాలతో కమర్షియల్ హిట్ సాధించారు శంకర్. ఇక రాజమౌళిబాహుబలి సినిమా ద్వారా ఇంటర్నేషనల్ వైడ్ గా తెలుగు ఇండస్ట్రీ ఖ్యాతిని చాటారు.
ఇలా మన ఇండియన్ సినిమాలు ఎన్నో కూడా హాలీవుడ్ సినిమాలకు పోటీని ఇచ్చాయి. శంకర్, రాజమౌళి ఇండియన్ సినిమాలను హలీవుడ్ రేంజ్ కి తీసుకు వెళ్ళారు. కాగా లేటెస్ట్ గా మురగదాస్ డైరెక్ట్ గా హాలీవుడ్ సినిమా చేయబోతున్నట్లు టాక్ వినిపిస్తోంది. అది కూడా ఆషామాషి సినిమా కాదు వాల్ట్ డిస్నీ వారితో చేస్తున్నారని తెలుస్తోంది. డిస్నీ పిక్చర్స్ నుంచి వచ్చిన కొన్ని లైవ్ యాక్షన్ చిత్రాల తరహాలో ఈ సినిమాను కూడా ప్లాన్ చేస్తున్నారని టాక్ వినిపిస్తోంది. మరి ఇది ఎంతవరకు నిజమన్నది అఫీషియల్ గా అనౌన్స్ మెంట్ వస్తే గాని తెలీదు .