naga chaitanya : నాగ చైతన్య – సాయి పల్లవి జంటగా తెరకెక్కిన తాజా చిత్రం లవ్ స్టోరీ. ఫస్ట్ టైం నాగ చైతన్య – సాయి పల్లవి జంటగా కలిసి నటించడం తో ఈ ఫ్రెష్ కాంబినేషన్ మీద ముందు నుంచి మంచి అంచనాలున్నాయి. ఈ సినిమాని శేఖర్ కమ్ముల దర్శకత్వంలో తెరకెక్కించాడు. శేఖర్ కమ్ముల నుంచి ‘ఫిదా’ తర్వాత వస్తున్న సినిమా కావడం తో ఫ్యాన్స్ తో పాటు ఇండస్ట్రీ వర్గాలలోనూ భారీ అంచనాలు ఏర్పడ్డాయి. ఇక ఇప్పటికే రిలీజైన రొమాంటిక్ పోస్టర్.. ‘ఏయ్ పిల్లా’ సాంగ్ .. తో పాటు టీజర్ కి ప్రేక్షకుల నుంచి పాజిటివ్ రెస్పాన్స్ వచ్చాయి.
కాగా ఫ్యాన్స్ ఎదురుచూస్తున్న ‘లవ్ స్టొరీ’ సినిమా అప్డేట్ తాజాగా ఇచ్చారు మేకర్స్. షూటింగ్ కంప్లీట్ అయిన ఈ సినిమా ప్రస్తుతం పోస్ట్ ప్రొడక్షన్ పనులు జరుగుతుండటంతో రిలీజ్ డేట్ కన్ఫర్మ్ చేశారు నిర్మాతలు. నాగ చైతన్య – సాయి పల్లవి ల ‘లవ్ స్టొరీ’ సినిమాని ఏప్రిల్ 16న భారీ స్థాయిలో రిలీజ్ చేస్తున్నట్టు వెల్లడించారు. ‘మజిలీ, వెంకీ మామ’ లాంటి సినిమాలతో రెండు సక్సస్ లను అందుకున్న నాగ చైతన్య ‘లవ్ స్టొరీ’ సినిమాతో హ్యాట్రిక్ హిట్ కొట్టబోతున్నాడని చెప్పుకుంటున్నారు. ఇక ఇటీవల వచ్చిన టీజర్ తో నాగ చైథన్య – సాయి పల్లవి ల లవ్ స్టోరీ సినిమా ఎంత రొమాంటిక్ గా ఉంటుందో అర్థమవుతోంది.
naga chaitanya : ‘లవ్ స్టొరీ’ లో క్లైమాక్స్ వేరే లెవల్ కి తీసుకు వెళుతుందా ..!
నాగ చైథన్య కి లవ్ స్టోరీస్ బాగా కలిసి వస్తాయి. కెరీర్ లో ఎక్కువగా చేస్తుంది లవ్ స్టోరీస్ మాత్రమే. ఇప్పుడు శేఖర్ కమ్ముల దర్శకత్వంలో వస్తున్న లవ్ స్టోరీ కూడా ఆ సినిమాల లిస్ట్ లో చేరుతుందని అంటున్నారు. ఇక ఈ సినిమాలో క్లైమాక్స్ కూడా ఎవరూ ఊహించని విధంగా ఉంటుందని ఒక్క క్లైమాక్స్ తో సినిమా రేంజ్ వేరే లెవల్ కి వెళుతుందని సమాచారం. నారాయణ్ దాస్ కె నారంగ్, రామ్మోహన్ రావ్ సంయుక్తంగా ఈ సినిమాను నిర్మిస్తున్నారు. కాగా నాగ చైథన్య ప్రస్తుతం విక్రం కె కుమార్ దర్శకత్వంలో థాంక్యూ అన్న సినిమా చేస్తున్నాడు. ఈ సినిమాలో నాగ చైతన్య హాకీ ప్లేయర్ గా నటిస్తున్నాడు.