ప్రముఖ సినీ కథానాయిక సమంత విడాకుల తరువాత తన లైఫ్‌లో ఫుల్ బిజీ అయిపోయింది. ఈ ముద్దుగుమ్మ లేడీ ఓరియంటెడ్ మూవీలతో పాటు బాలీవుడ్, హాలీవుడ్ చిత్రాల్లోనూ నటిస్తుంది. ఈమె నటించిన శాకుంతలం, యశోద సినిమాలు త్వరలోనే విడుదల కానున్నాయి. అయితే నాగచైతన్య నటించిన ‘థాంక్యూ’ సినిమాలో ఒక డైలాగ్ సమంతని ఉద్దేశించే ఉందని సోషల్ మీడియాలో చర్చ జరుగుతోంది.
ఫ్యాన్స్ రచ్చ
చైతూ, సామ్ విడిపోవడానికి కారణాలు తెలియదు కానీ కొందరు ఫ్యాన్స్ సమంతదే తప్పు అన్నట్లుగా నిందిస్తుంటే, మరికొందరు మాత్రం చైతూదే తప్పు అని బ్లేమ్ చేస్తున్నారు. ఫ్యాన్స్ ఇలా పోట్లాటకు దిగుతుంటే.. విడాకుల తీసుకున్న వారు మాత్రం హ్యాపీగా తమ జీవితాన్ని గడుపుతున్నారు. అయినా కూడా ఈ విషయం గురించి మాత్రం అభిమానులు ఇప్పట్లో మర్చిపోయేలా కనిపించడం లేదు. ఇటీవల థాంక్యూ సినిమా ట్రైలర్ రిలీజ్ అయింది. ఇందులో నాగచైతన్య చెప్పిన ఒక డైలాగ్‌ని పట్టుకొని అభిమానులు సోషల్ మీడియాలో రచ్చరచ్చ చేస్తున్నారు.
థాంక్యూ సినిమా ట్రైలర్‌లో డైలాగ్
థాంక్యూ సినిమా ట్రైలర్‌లో “ఒక మనిషిని పట్టుకొని వేలాడే ప్రేమ కంటే స్వేచ్ఛగా వదిలేసే ప్రేమ గొప్పది” అనే డైలాగ్‌ను నాగ చైతన్య చాలా ఎమోషనల్‌గా చెబుతాడు. ఈ డైలాగ్ చైతన్య వ్యక్తిగత జీవితానికి సరిగ్గా సూట్ అవుతుందని ఫ్యాన్స్ అంటున్నారు. ఈ స్వేచ్ఛ లేకపోవడం వల్లే చైతు, సామ్ మధ్య గొడవలు వచ్చి విడిపోయారని అభిమానులు చర్చించుకుంటున్నారు. మరి విడాకుల విషయం గురించి నాగచైతన్య స్పందించకపోయినా సమంత అయినా తన నెక్స్ట్ సినిమా ప్రమోషన్స్‌లో మాట్లాడుతుందేమో చూడాలి.
