ఆమె నా హృదయాన్ని ముక్కలు చేసిందంటూ.. నాగచైతన్య సంచలన కామెంట్స్!

ప్రముఖ నటుడు అక్కినేని నాగచైతన్య నటించిన సినిమా థాంక్యూ ఈ నెల 22న విడుదల కాబోతుంది. దిల్ రాజు నిర్మాణంలో రూపుదిద్దుకున్న ఈ చిత్రానికి విక్రమ్ కే. కుమార్ దర్శకత్వం వహించాడు. ఈ సినిమాలో నాగచైతన్య సరసన రాశీ ఖన్నా, మాళవిక నాయర్ అవికా గోర్ హీరోయిన్లుగా నటించారు. ఈ సినిమాకు సంబంధించిన ఇప్పటికే కొన్ని సాంగ్స్, ట్రైలర్ ప్రేక్షకులను ఎంతగానో ఆకట్టుకుంటున్నాయి.

ఇంటర్వ్యూలలో బిజీ

రిలీజ్ డేట్ దగ్గర పడటంతో చిత్ర బృందం ప్రమోషన్స్ కోసం ఇంటర్వ్యూల బాట పట్టారు. తాజాగా ఆర్జె, కమెడియన్ హేమంత్ తో జరిగిన ఇంటర్వ్యూలో చైతు తన ఫస్ట్ లవ్ గురించి కొన్ని విషయాలను ప్రేక్షకులతో పంచుకున్నాడు. ఎప్పుడూ తన పర్సనల్ విషయాలు ఎవరితో పంచుకోని నాగచైతన్య ఆ ఇంటర్వ్యూలో తన వ్యక్తిగత జీవితం గురించి కొన్ని విషయాలు చెప్పాడు.

పేమ వ్యవహారం బయట పెట్టాడు

మీ ఫస్ట్ లవ్ గుర్తుందా అనే హేమంత్ అడిగిన ప్రశ్నకు
చైతు సమాధానంగా “మొదటి ప్రేమను ఎవరు మర్చిపోతారు చెప్పండి. నేను 8 లేదా 9వ తరగతిలో ఉన్నప్పుడు ఒక అమ్మాయిని బాగా ఇష్టపడ్డాను. నాలానే మరో ఇద్దరు కూడా ఆ అమ్మాయిపై మనసు పారేసుకున్నారు. ఎవరో ఒకరు ఆ అమ్మాయిని ప్రేమలో పడతారని మీ వంతు అనుకున్నాం. కానీ ఆ అమ్మాయి మాత్రం ఎవరిని ప్రేమించలేదు. అలా మా ముగ్గురి హృదయాలని ముక్కలు చేసి వెళ్ళిపోయింది. ఆ తర్వాత మేం ముగ్గురం మంచి స్నేహితులు అయ్యాం”. అంటూ తన ఫస్ట్ లవ్ గురించి చెప్పడంతో ఈ వార్త సోషల్ మీడియాలో వైరల్ గా మారింది. అలానే రాశీ కన్నా కూడా తన మొదటి లవ్ గురించి మొదటి సంపాదన గురించి చెప్పింది. ఇంకో రెండు రోజుల్లో ఈ సినిమా థియేటర్లలో సందడి చేయనుంది. ఈ సినిమా నాగచైతన్యకు ఎలాంటి హిట్ ఇస్తుందో చూడాలి.