Naga chaithanya : నాగ చైతన్య Naga chaithanya కెరీర్ లో చేసిన సినిమాలలో ఎక్కువగా లవ్ స్టోరీస్ ఉన్నాయి. జోష్ అన్న సినిమాతో పరిచయం అయినప్పటికి ఏ మాయ చేశావే సినిమాతో భారీ సక్సస్ ని అందుకున్నాడు. ఆ తర్వాత 100 % లవ్ సినిమాతో మరో బ్లాక్ బస్టర్ అందుకున్నాడు. మధ్యలో కొన్ని ప్రయోగాలు చేశాడు నాగ చైతన్య. కాని ఆ ప్రయోగాలు బెడిసి కొట్టాయి. దడ, బెజవాడ, ఆటోనగర్ సూర్య, దోచేయ్ లాంటి సినిమాలు నాగ చైతన్య కి భారీ ఫ్లాప్స్ గా మిగిలాయి. మనం, ప్రేమం, ఒక లైలా కోసం, రారండోయ్ వేడుక చూద్దాం లాంటి ప్రేమ కథా చిత్రాలే చైతూకి సూపర్ హిట్స్ ఇచ్చాయి.
దాంతో అందరు నాగ చైతన్య కి లవ్ స్టోరీస్ మాత్రమే సూటవుతాయని .. ప్రయోగాలు.. యాక్షన్ సినిమాలు పనికి రావని సలహాలిచ్చారు. ఈ మధ్యలో వచ్చిన శైలజా రెడ్డి అల్లుడు, సవ్యసాచి కూడా ఫ్లాప్ సినిమాలుగా మిగిలాయి. అయితే మజిలీ, వెంకీమామ సినిమాలతో బ్యాక్ టు బ్యాక్ సూపర్ హిట్స్ అందుకున్నాడు. ప్రస్తుతం నాగ చైతన్య శేఖర్ కమ్ముల దర్శకత్వంలో లవ్ స్టోరీ అన్న సినిమా చేశాడు. సాయి పల్లవి హీరోయిన్ గా నటించిన ఈ సినిమా పోస్ట్ ప్రొడక్షన్స్ కార్యక్రమాలను జరుపుకుంటోంది.
Naga chaithanya : తరుణ్ భాస్కర్ తో ఒక సినిమా చేయనున్నాడని వార్తలు వస్తున్నాయి.
కాగా విక్రం కె కుమార్ దర్శకత్వంలో థ్యాంక్యూ అన్న సినిమా చేస్తున్నాడు. ఈ సినిమాని దిల్ రాజు నిర్మిస్తుండగా చైతూ హాకీ ప్లేయర్ గా కనిపించబోతున్నాడు. ఈ సినిమా షూటింగ్ దశలో ఉంది. ఈ క్రమంలోనే యంగ్ డైరెక్టర్ తరుణ్ భాస్కర్ తో ఒక సినిమా చేయనున్నాడని వార్తలు వస్తున్నాయి. అయితే ఈ సినిమాలో పోలీస్ ఆఫీసర్ గా కనిపిస్తాడని స్క్రిప్ట్ కూడా చైతూ ఫైనల్ చేశాడని చెప్పుకుంటున్నారు. మరి మళ్ళీ రూటు మార్చి ఇలాంటి కథలను ఎంచుకుంటే చైతూ వస్తున్న సక్సస్ లకి బ్రేక్ పడుతుందేమో అని నెటిజన్స్ చర్చించుకుంటున్నారట. మరి ఇది ఎంతవరకు నిజమన్నది తెలియాల్సి ఉంది.
