Bigg Boss 5 Telugu: సీజన్ ఫైవ్ బిగ్ బాస్ హౌస్ లో ట్రాన్స్ జెండర్ ప్రియాంక సింగ్ గేమ్ అందరినీ మెప్పిస్తూ హౌస్ లో రాణిస్తున్న సంగతి తెలిసిందే. తన ఫస్ట్ లవ్ స్టోరీ గురించి తెలియజేసి ఇ నాగార్జున చేత మాత్రమే కాక చాలా మందికి స్ఫూర్తిగా నిలిచింది ప్రియాంక సింగ్. ఈ క్రమంలో మూడవ వారం ఎలిమినేషన్ అయిన లహరి జీవితంలో ప్రియాంక సింగ్ ని స్ఫూర్తిగా తీసుకుని.. బ్రతికేయొచ్చు అని కూడా ఆమె కితాబ్ ఇవ్వడం జరిగింది.
ఇంతమంది చేత శభాష్ అనిపించుకున్న ప్రియాంక సింగ్…కి మెగా బ్రదర్ నాగబాబు ముందు నుండి సపోర్ట్ చేస్తూ వస్తున్నారు. ప్రియాంక సింగర్ గెలిచిన గెలవకపోయినా చివరి వరకు తన సపోర్ట్ ఆమెకి ఉంటుందని అన్నారు. ఇదిలావుంటే ఇటీవల సోషల్ మీడియాలో నెటిజన్ల తో చిట్ చాట్ చేసిన సమయంలో.. అభిమానులు వేసిన కొన్ని ప్రశ్నలకు నాగబాబు తనదైన శైలిలో సమాధానమిచ్చారు. విషయంలోకి వెళితే బిగ్ బాస్ లేదా ఐపీఎల్-5 దేన్ని ఫాలో అవ్వుతారు అని.. ఓ నెటిజన్ నాగబాబుని ప్రశ్నించారు.
ఈ సమాజం నన్ను యాక్సెప్ట్ చేస్తుందా.. మావా…
దీనికి నాగబాబు సమాధానమిస్తూ…’బిగ్బాస్ చూడకుండా ఐపీఎల్ చూస్తూ నా బిడ్డ లాంటి ప్రియాంక సింగ్కి సపోర్ట్ చేస్తే ఈ సమాజం నన్ను యాక్సెప్ట్ చేస్తుందా.. మావా’, ఇంకా తరహా చేస్తే ఆమెకు అన్యాయం చేసినట్లే అంటూ క్రేజీగా బదులిచ్చారు నాగబాబు.
ఈ క్రమంలో ప్రియాంక సింగ్ టీం సభ్యులు నాగబాబు ఇచ్చిన సపోర్ట్ పట్ల ఆన్సర్ పట్ల ఆనందం వ్యక్తం చేస్తూ.. కృతజ్ఞతలు తెలిపారు. హౌస్ లో ప్రియాంక సింగ్ .. అందరి మన్ననలు అందుకుంటూ.. తనపై పాజిటివ్ వాతావరణం క్రియేట్ చేసుకుంటూ గేమ్ ఆడుతూ ఉంది. ఇదే తీరు చివరి వరకు కొనసాగిస్తే ప్రియాంక సింగ్ టైటిల్ గెలిచిన ఆశ్చర్యపోనక్కర్లేదని.. బయట జనాలు అంటున్నారు.