అక్కినేని నాగార్జున నుంచి వచ్చిన సూపర్ హిట్ సినిమా ‘సోగ్గాడే చిన్నినాయన’. చెప్పాలంటే ఈ సినిమా తర్వాత మళ్ళీ ఆ రేంజ్ హిట్ దక్కలేదు నాగార్జున కి. అయితే ‘సోగ్గాడే చిన్నినాయన’ హిట్ అనగానే నాగార్జున మళ్ళీ ఈ సినిమాకి సీక్వెల్ నిర్మించాలని డిసైడయ్యాడు. అంతేకాదు వెంటనే ఈ సినిమా చేసేయ్యాలని హడావుడి చేశారు. కాని ఎప్పటికప్పుడు ఇదుగో అదుగో అంటూనే వచ్చారు గాని ఇప్పటి వరకు ఈ సినిమా సెట్స్ మీదకి వెళ్ళనే లేదు. ఈ ప్రాజెక్ట్ కోసం దర్శకుడు చాలా నెలలుగా ఎదురు చూస్తూన్నాడు.
అయితే ఎట్టకేలకి ఈ ప్రాజెక్ట్ స్టార్ట్ కాబోతుందని తెలుస్తుంది. నాగార్జున ‘బంగార్రాజు’ టైటిల్ తో ఈ సినిమా చేయబోతున్నాడు. ‘సోగ్గాడే చిన్నినాయన’ తెరకెక్కించిన దర్శకుడు కళ్యాణ్ కృష్ణ ఈ సీక్వెల్ ని తెరకెక్కించబోతున్నాడు. ఇక నాగార్జున – నాగ చైతన్య కాంబినేషన్ లో ఆ సినిమాకి సీక్వెల్ రూపొందబోతున్న సంగతి తెలిసిందే. కాగా ఈ సినిమా షూటింగ్ ఎప్పుడు ప్రారంభం కాబోతుందో క్లారిటీ వచ్చిందని సమాచారం.
తాజాగా సినీ వర్గాల సమాచారం ప్రకారం నవంబర్ 16వ తేదీ నుండి ఈ సినిమాను మొదలుపెట్టి, సింగిల్ షెడ్యూల్ లోనే మొత్తం టాకీ పార్ట్ కంప్లీట్ చేయాలని ప్లాన్ చేస్తున్నట్టు తెలుస్తుంది. అంతేకాదు ఈ సినిమాలో ఓ కీలక పాత్రలో రమ్యకృష్ణ నటించబోతుంది. ఇక కళ్యాణ్ కృష్ణ, సంగీత దర్శకుడు అనుప్ రూబెన్స్ కలిసి సాంగ్స్ కంపోజిషన్స్ లో బిజీగా ఉన్నారట. ఇప్పటికే మూడు ట్యూన్స్ పూర్తయ్యాయని సమాచారం. ‘సోగ్గాడే చిన్నినాయన’ ఆల్బం సూపర్ హిట్ అయిన సంగతి తెలిసిందే. దాంతో ఇప్పుడు ‘బంగార్రాజు’ ఆల్బం అంతకు మించి సూపర్ హిట్ అవ్వాలని అనూప్ ట్రై చేస్తున్నాడట.