Nagarjuna : నాగార్జున కింగ్ గా.. టాలీవుడ్ మన్మధుడుగా ఎంతటి క్రేజ్ ఉందో అందరికీ తెలిసిందే. నాగార్జున ఏ సినిమా తీసిన కంప్లీట్ ఫ్యామిలీ ఎంటర్‌టైనర్‌గానే ప్లాన్ చేసుకుంటాడు. మధ్యలో కొన్ని ప్రయోగాలు చేస్తుంటాడు. పోలీస్ బ్యాక్ డ్రాప్.. అలాగే భక్తి ప్రధానమైన సినిమాలు చేసే నాగార్జున ఏ పాత్ర అయినా తన సత్తా చాటడంలో ముందుంటున్నాడు. నాగార్జున కొత్త దర్శకులను ఎంతగా ఎంకరేజ్ చేస్తాడో.. కొత్త రకమైన కథల్లో నటించడానికి ఎక్కువగా ఆసక్తి చూపిస్తారు. రాజన్న లాంటి సినిమా చేయడం నాగార్జునకే సాధ్యమైంది.
ఇక నాగార్జున ఇటీవల వైల్డ్ డాగ్ సినిమాతో ప్రేక్షకుల ముందుకు వచ్చిన సంగతి తెలిసిందే. ఈ సినిమాతో కూడా ఒక కొత్త దర్శకుడిని ఇండస్ట్రీకి పరిచయం చేశాడు. గత శుక్రవారం విడుదలైన ఈ సినిమా పాజిటివ్ టాక్ తెచ్చుకుని డీసెంట్ కలెక్షన్స్ రాబడుతూ థియేటర్స్ లో సందడి చేస్తోంది. కాగా ప్రస్తుతం నాగార్జున పీఎస్వీ గరుడవేగ ఫేమ్ ప్రవీణ్ సత్తారు దర్శకత్వంలో ఒక సినిమా చేస్తుండగా ..ఇటీవలే స్టార్ట్ అయిన ఈ సినిమా గోవాలో ఓ షెడ్యూల్ పూర్తి చేసుకుంది. ఇక నాగార్జునకు జంటగా స్టార్ హీరోయిన్ కాజల్ కిచ్లు నటిస్తోంది.
Nagarjuna : ‘బ్రహ్మాస్త్ర’ మూడు భాగాలుగా విడుదల కానుందని సమాచారం.
ఆ తర్వాత నాగార్జున బంగార్రాజు సినిమాని సెట్స్ పైకి తీసుకెళ్లబోతున్నాడు. ‘సోగ్గాడే చిన్నినాయన’కు సీక్వెల్ గా తెరకెక్కనున్న ఈ సినిమాలో నాగ చైతన్య కూడా నటిస్తున్నట్టు వార్తలు వస్తున్నాయి. కళ్యాణ్ కృష్ణ కురసాల ఈ సినిమాని తెరకెక్కించనున్నాడు. నాగార్జున చాలా గ్యాప్ తర్వాత హిందీలో నటిస్తున్న చిత్రం ‘బ్రహ్మాస్త్ర’ మూడు భాగాలుగా విడుదల కానుందని సమాచారం. ఈ సినిమాలో నాగార్జున ఆర్కియాలజిస్టు పాత్రలో కనిపించబోతున్నాడు. ఈ విధంగా నాగార్జున హిట్టు ఫ్లాపులతో సంబంధం లేకుండా జెట్ స్పీడుతో సినిమాలను లైనప్ చేసుకుంటున్నాడు. యంగ్ హీరోల కంటే నాగ్ చాలా స్పీడ్ గా సినిమాలు చేస్తుండటం విశేషం.
