నాగార్జున భారీ కమర్షియల్ సక్సస్ అందుకున్న సినిమా సోగ్గాడే చిన్ని నాయన. ఈ సినిమాలో నాగార్జున డ్యూయల్ రోల్ లో నటించి అలరించాడు. రెండు పాత్రల్లో నాగార్జున పర్ఫార్మెన్స్ మాస్ ఆడియన్స్ తో పాటు ఫ్యామిలీ ఆడియన్స్ ని విపరీతంగా ఆకట్టుకున్నాయి. యంగ్ డైరెక్టర్ కళ్యాణ్ కృష్ణ దర్శకత్వంలో తెరకెక్కిన సోగ్గాడే చిన్ని నాయన నాగార్జున కెరీర్ లో ఒక మైల్ స్టోన్ సినిమా గా నిలిచింది. దాంతో ఈ సినిమాకి సీక్వెల్ ని రూపొందించాలని నాగార్జున భావించాడు. అందుకే దర్శకుడు కళ్యాణ్ కృష్ణ కి సీక్వెల్ కి కథ రెడీ చేయమని బాధ్యతలు అప్పగించాడు.
నాగార్జున చెప్పగానే కళ్యాణ్ కృష్ణ సీక్వెల్ కి కథ సిద్దం చేశాడు. బంగార్రాజు అన్న టైటిల్ ని కూడా ఈ సీక్వెల్ కోసం రిజిస్టర్ చేయించారు. అయితే కథ పూర్తి స్థాయిలో నాగార్జున కి నచ్చకపోవడం తో మళ్ళీ కథ లో కొన్ని మార్పులు సూచించాడు నాగార్జున. మొత్తానికి దర్శకుడు కళ్యాణ్ కృష్ణ బంగార్రాజు కథ ని సెట్స్ మీదకి తీసుకు వెళ్ళబోతున్నాడు. బిగ్ బాస్ తర్వాత నాగార్జున చేస్తున్న సినిమా ఇదే కావడం విశేషం.
కాగా తాజా సమాచారం ప్రకారం సంక్రాంతి తర్వాత నాగార్జున బంగార్రాజు షూటింగ్ మొదలు కాబోతోందని తెలుస్తోంది. ఇప్పటికే మ్యూజిక్ డైరెక్టర్ అనూప్ రుబెన్స్ అద్భుతమైన ట్యూన్స్ రెడీ చేసినట్టు సమాచారం. సోగ్గాడే చిన్ని నాయన సినిమాకి సాంగ్స్ పెద్ద ప్లస్ అయ్యాయి. అంతకంటే సూపర్ హిట్ ఆల్బం ని బంగార్రాజు కోసం అనూప్ రెడీ చేశాడట. ఇక ఈ సినిమా తో పాటు ప్రవీణ్ సత్తారు దర్శకత్వంలో కూడా ఒక సినిమా చేయబోతున్నాడు. ఈ ప్రాజెక్ట్స్ ఒకేసారి షూటింగ్ జరుపుకోబోతున్నాయంటున్నారు. అంతేకాదు బంగార్రాజు తో పాటు ప్రవీణ్ సత్తారు సినిమా కూడా 2021 లో రిలీజ్ చేయాలని ప్లాన్ చేస్తున్నారట. ఇక ఈ సినిమాలో నాగ చైతన్య కూడా నటిస్తున్నాడని వార్తలు వస్తున్నప్పటికీ ఇంకా అఫీషియల్ గా మాత్రం కన్ఫర్మేషన్ రాలేదు.