ఇటీవల జనసేన అధినేత పవన్ కళ్యాణ్ కృష్ణాజిల్లా పర్యటనలో మచిలీపట్నంలో పేర్ని నాని ని ఉద్దేశించి విమర్శలు చేసిన సంగతి తెలిసిందే. మచిలీపట్నం తర్వాత గుడివాడ నియోజకవర్గంలో కూడా కొడాలి నాని పేరు ఎత్తకుండానే ఆయనపై పరోక్ష వ్యాఖ్యలు చేయడం జరిగింది. శతకోటి లింగాలలో బోడిలింగం అంటూ ఇంకా అనేక రకాలుగా వైయస్ జగన్ పై అదేవిధంగా కొడాలి నాని పై పేర్ని నాని పై పవన్ చేసిన విమర్శలు ఏపీ రాజకీయవర్గాలలో మంటలు పుట్టిస్తున్నాయి.
తనని తాను ఉద్దేశించి కొన్ని వకీల్ సాబ్ అంటూ పవన్ చేసిన విమర్శలకు కొడాలి నాని షకీల సాబ్ గుడివాడ కొచ్చి నోటికి ఇష్టం వచ్చినట్లు మాట్లాడాడు, దత్తపుత్రుడిగా చంద్రబాబు ప్యాకేజీ ఇచ్చాడు డైలాగులు వేసి మెడ రుద్దుకుని వెళ్లిపోయాడు అని కౌంటర్లు వేయగా, పేర్ని నాని తనని ఉద్దేశించి మచిలీపట్నంలో చేసిన వ్యాఖ్యలకు పవన్ కళ్యాణ్ కి చిడతలు నాయుడు అనే పేరు పెట్టాడు.
సినిమాలు చేయొద్దని ఎవరు అనలేదన పేర్ని నాని నీకు నువ్వే సినిమాలు చేయను నా జీవితం మొత్తం రాజకీయాలకు అంకితం అని చెప్పావు. మళ్లీ ఇప్పుడు సినిమాలు చేస్తున్నావు. అసలు నిన్ను సినిమాలు చేయాలని చేయొద్దని ఎవరు అనలేదని నీకు నువ్వే 2019 ఎన్నికల్లో ఓడిపోయిన తర్వాత ప్రకటించుకుని ఇప్పుడు మమ్మల్ని విమర్శిస్తే ఉపయోగం ఏం ఉంటుందని.. పవన్ కళ్యాణ్ కి కౌంటర్ వేశారు. ఆ పార్టీ ఈ పార్టీ నేతలకు చిడతలు కొట్టే నువ్వు నన్ను విమర్శించడం హాస్యాస్పదం గా ఉందని పేర్ని నాని పవన్ కామెంట్లను లైట్ తీసుకున్నారు.