నాని, సుధీర్ బాబు, నివేదా థామస్, అదితిరావు హైదరి ప్రధాన పాత్రల్లో నటించిన చిత్రం వి, ఈ మూవీ నానికి 25 వ చిత్రం కాగా నాని తొలి సినిమా అష్టా చమ్మా విడుదలైన సెప్టెంబర్ 5వ తేదీనే ఈ చిత్రాన్ని కూడా రిలీజ్ చేయడం విశేషం. అయితే వి టీజర్, ట్రైలర్ చూసినపుడు సినిమాపై అంచనాలు భారీగా పెరిగిపోయాయి. చాలా మంది ప్రేక్షకులు ఈ చిత్రాన్ని ఎప్పుడెప్పుడు చూద్దామా అని వేచి చూశారట కూడా. కానీ అప్పటికే కరోనా వల్ల సినిమా ధియోటర్లు మూతపడి ఉండగా ఈ మూవీని ఓటీటీలో రిలీజ్ చేశారు.
ఇక ఎన్నో భారీ అంచనాల నడుమ విడుదలైన ఈ చిత్రం ప్రేక్షకులను అంతగా ఆకట్టుకోలేకపోయిందట. అయితే లాక్డౌన్ సమయంలో ఓటీటీలో రిలీజైన తెలుగు సినిమాల్లో ఎక్కువ మంది చూసిన చిత్రంగా ఈ మూవీగా నిలిచినప్పటికీ హిట్ టాక్ మాత్రం తెచ్చుకోలేక పోయిందట కాగా తాజాగా ఓ ప్రముఖ ఛానల్లో వరల్డ్ టెలివిజన్ ప్రీమియర్ గా ప్రసారం అయినా ఈ చిత్రానికి కేవలం 6.8 రేటింగ్ మాత్రమే రాగా, న్యాచురల్ స్టార్ నటించిన ఇతర సినిమాల రేటింగ్ తో కంపేర్ చేయడం అటుంచితే నాని గత సినిమాలతో పోల్చి చూసినా ఈ రేటింగ్ మరీ తక్కువగా ఉండటంతో నాని ఫ్యాన్స్ లబోదిబోమంటున్నారట. ఇదిలా ఉండగా ఇప్పటికే నాని చేతిలో మూడు ప్రాజెక్ట్లు ఉన్నాయన్న విషయం తెలిసిందే.
ఇక టక్ జగదీష్ చిత్రీకరణలో ఉండగానే శ్యామ్ సింఘరాయ్ చిత్రాన్ని ప్రకటించాడు. ఆ తర్వాత అంటే సుందరానికి అంటూ మరో సినిమాను కూడా ప్రకటించాడు. ఇంత వరకు బాగానే ఉన్నా ప్రస్తుతం నాని వి సినిమా రిజల్ట్ మిగతా మూడు సినిమాల పైన చూపిస్తున్నట్లుగా ఉందట. ఇప్పటికే వి ఆశించిన స్దాయిలో విజయాన్ని అందుకోలేక పోవడంతో ఈ మూడు చిత్రాలను నిర్మిస్తున్న మేకర్స్ తమ చిత్రాలకు కూడా ఇలాంటి పరిస్దితి వస్తుందని భయపడుతున్నారట. మరి చూడాలి ఈ న్యాచురల్ స్టార్ మాయాజాలం.