Nani : నేచురల్ స్టార్ నాని నటించిన సినిమా టక్ జగదీష్. శివ నిర్వాణ దర్శకత్వం వహించాడు. రీతూ వర్మ, ఐశ్వర్య రాజేష్ హీరోయిన్స్ గా నటించారు. జగపతి బాబు కీలక పాత్రలో నటించారు. ఎస్ ఎస్ థమన్ సంగీతం అందించారు. ఈ సినిమా ఏప్రిల్ లోనే రిలీజ్ కావాల్సింది. కానీ కరోనా సెకండ్ వేవ్ కారణంగా రిలీజ్ ఆగిపోయింది. అయితే థియేటర్స్ లో రిలీజ్ చేయాలనుకున్న ఈ సినిమాను ఓటీటీలో రిలీజ్ చేయడానికి సన్నాహాలు చేస్తున్నారు. ఇప్పటికే ఢీల్ కూడా పూర్తి అయినట్టు తెలుస్తోంది.
ఇక అలాగే యూత్ స్టార్ నితిన్ నటించిన సినిమా మాస్ట్రో కూడా ఓటీటీలో రిలీజ్ చేసేందుకు ఢీల్ సెట్ చేసుకుంటున్నట్టు తాజాగా సోషల్ మీడియాలో వార్తలు వస్తున్నాయి. బాలీవుడ్ లో సూపర్ హిట్ అయిన అంధాదున్ సినిమాకి అధికారక రీమేక్ గా తెలుగులో మాస్ట్రో సినిమాను నిర్మించారు. నభా నటేశ్ హీరోయిన్ గా నటించింది. మిల్కీ బ్యూటీ తమన్నా కీలక పాత్రలో నటించింది. హిందీలో ఈ సినిమా సూపర్ హిట్ గా నిలిచింది. దాంతో తెలుగు వెర్షన్ మాస్ట్రో మీద భారీగా అంచనాలు నెలకొన్నాయి.
Nani : నాని టక్ జగదీశ్, నితిన్ మాస్ట్రో సినిమాలు థియేటర్స్ లో కాకుండా ఓటీటీ వైపు..!
అయితే భారీ అంచనాలున్న నాని టక్ జగదీశ్, నితిన్ మాస్ట్రో సినిమాలు థియేటర్స్ లో కాకుండా ఓటీటీ వైపు వెళ్ళడం ఎంత మాత్రం కరెక్ట్ డెసిషన్ కాదని డిస్ట్రిబ్యూటర్స్ ఈ హీరోల మీద సీరియస్ అవుతున్నారట. ఇప్పటికే బడా నిర్మాత సురేష్ బాబు కూడా నారప్ప సినిమాను ఓటీటీలో వదిలాడు. త్వరలో విరాట పర్వం, దృశ్యం సినిమాలను కూడా ఓటీటీలో రిలీజ్ చేస్తారని హింట్ ఇచ్చాడు. ఇలా పెద్ద సినిమాలు ఓటీటీలో రిలీజ్ చేస్తే ఇక థియేటర్స్ పరిస్థితేంటి అని థియేటర్స్ యాజమాన్యాలు, డిస్ట్రిబ్యూటర్స్ బాధపడుతున్నారు. అంతేకాదు నిరసనకి దిగడానికి రెడీ అవుతున్నారు. మరి వీరి నిర్ణయం మార్చుకుంటారా లేదా చూడాలి.
