Nani : నాని టక్ జగదీష్ లో నటిస్తున్న విషయం తెలిసిందే. షైన్ స్క్రీన్స్ బ్యానర్ పై సాహు గారపాటి – హరీష్ పెద్ది సంయుక్తంగా నిర్మిస్తున్నారు. శివ నిర్వాణ ఈ సినిమాని ఫ్యామిలీ అండ్ యాక్షన్ ఎంటర్టైనర్ గా రూపొందిస్తున్నాడు. రీతూ వర్మ – ఐశ్వర్యా రాజేష్ హీరోయిన్లుగా నటిస్తున్న ఈ సినిమా సమ్మర్ కానుకగా ఏప్రిల్ నెలలో విడుదల చేయనున్నారు.
ఇప్పటికే టక్ జగదీష్ సినిమా నుంచి రిలీజ్ చేసిన పోస్టర్స్ కి అభిమానుల నుంచి.. ప్రేక్షకుల నుంచి పాజిటివ్ టాక్ తెచ్చుకున్నాయి. కాగా ఈ సినిమాని దర్శకుడు శివ నిర్వాణ కుటుంబం – మూలాలు – అచ్చమైన తెలుగు సంస్కృతి వంటి అంశాలతో తెరకెక్కిస్తున్నట్టు సమాచారం.
ఇప్పటి వరకు నాని నటిస్తూ వస్తున్న సినిమాలలో ఎక్కువగా కుటుంబ కథా చిత్రాలే ఎక్కువగా ఉన్నాయి. నాని ని అలాంటి సినిమాలలో చూడటానికే ప్రేక్షకులు ఇష్టపడుతున్నారు. కాస్త రూటు మార్చి ఏదైనా ప్రయోగం చేస్తే అది కాస్త బెడిసి కొడుతోంది. ఈ మధ్య వచ్చిన సినిమాలే అందుకు ఉదాహరణ. ఇంద్రగంటి మోహన్ కృష్ణ దర్శకత్వం లో వచ్చిన వి సినిమా బాగున్నప్పటికి నాని ని ఆ క్యారెక్టర్ లో ప్రేక్షకులు చూడటానికి ఆసక్తి చూపించలేదు. దాంతో రిజల్ట్ తేడా కొట్టింది.
Nani : ‘ టక్ జగదీష్ ‘ కి శివ నిర్వాణ ‘ సీతమ్మ వాకిట్లో సిరిమల్లె చెట్టు ‘ తరహా కథ..!
అందుకే ఇక నాని కంప్లీట్ గా ఫ్యామిలీ సినిమాలే చేయాలనుకుంటున్నాడని చెప్పుకుంటున్నారు. ఈ క్రమంలోనే శివ నిర్వాణ తో టక్ జగదీష్ చేస్తున్నాడట. అయితే శివ నిర్వాణ ఇంతక ముందు నిన్నుకోరీ సినిమా చేశాడు. శివ నిర్వాణ డెబ్యూ సినిమా గా వచ్చిన నిన్నుకోరి.. ఆ తర్వాత వచ్చిన మజిలీ బ్రేకప్ లవ్ స్టోరీస్ గా తెరకెక్కించాడు. ఈ రెండు సినిమాలు సూపర్ హిట్ గా నిలిచాయి.
అయితే టక్ జగదీష్ కి మాత్రం శివ నిర్వాణ సీతమ్మ వాకిట్లో సిరిమల్లె చెట్టు తరహా కథని ఎంచుకున్నాడట. మరి ఈ సినిమా నాని కి ఎలాంటి రిజల్ట్ ని ఇస్తుందో చూడాలి. ఇక ఈ సినిమా తర్వాత శ్యాం సింగ్ రాయ్, అంటే సుందరానికి అన్న సినిమాలు చేస్తున్నాడు.
