Narappa : నారప్ప .. విక్టరీ వెంకటేష్ నటించిన తాజా చిత్రం. తమిళంలో భారీ కమర్షియల్ హిట్ అందుకున్న అసురన్ కి రీమేక్ గా తెలుగులో సురేష్ బాబు – కలైపులి ఎస్ థాను సంయుక్తంగా నిర్మిస్తున్నారు. ప్రియమణి హీరోయిన్ గా నటించింది. ఇప్పటికే ఈ సినిమా షూటింగ్ కంప్లీట్ అయింది. ప్రస్తుతం పోస్ట్ ప్రొడక్షన్స్ వర్క్ జరుపుకుంటోంది. ఇక ఈ సినిమాకి శ్రీకాంత్ అడ్డాల దర్శకత్వం వహిస్తున్నాడు. గత మూడేళ్ళుగా దర్శకుడు శ్రీకాంత్ అడ్డాలకి హిట్ అన్నది లేదు. ఇంకా చెప్పాలంటే బ్రహ్మోత్సవం తర్వాత మళ్ళీ శ్రీకాంత్ అడ్డాల నుంచి సినిమా రాలేదు.
అయితే దర్శకుడిగా తన సత్తా ఏంటో అటు సురేష్ బాబు కి ఇటు వెంకటేష్ కి తెలుసు కాబట్టి నమ్మకంగా ఈ ప్రాజెక్ట్ ని తన భుజాల మీద వేశారు. ఆ నమ్మకాన్ని శ్రీకాంత్ అడ్డాల నిలబెట్టుకుంటాడని చిత్ర బృందం ధీమాగా చెబుతున్నారు. రష్ బాగా వచ్చిందని వెంకటేష్ ఈ సినిమా మీద చాలా నమ్మకంగా ఉన్నాడని తెలుస్తోంది. ఇక ఈ సినిమాతో హ్యాట్రిక్ హిట్ కొట్టాలని వెంకటేష్ పట్టుదలగా ఉన్నాడు. కాగా థమన్ మ్యూజిక్ ఈ సినిమాకి పెద్ద ప్లస్ అని అంటున్నారు. సాంగ్స్ తో పాటు బ్యాక్ గ్రౌండ్ మ్యూజిక్ అదిరిపోతుందని తెలుస్తోంది.
Narappa : ఈ సీన్స్ సినిమా కి ఎంతో హైలెట్ గా నిలుస్తాయని చెప్పుకుంటున్నారు.
‘నారప్ప’ సినిమా ఫస్ట్ కాపీ పూర్తి అయిందంటున్నారు. ఇక ఈ సినిమా ప్లాష్ బ్యాక్ లో వచ్చే యాక్షన్ సీక్వెన్స్ చూస్తే.. గూస్ బంస్ వస్తాయట. వెంకీ చేసిన రిస్కీ స్టంట్స్ అద్భుతంగా వచ్చాయని సమాచారం. ఇక ముఖ్యంగా ఈ సీన్స్ సినిమా కి ఎంతో హైలెట్ గా నిలుస్తాయని చెప్పుకుంటున్నారు. చూడాలి మరి నారప్ప రిలీజ్ అయ్యాక ఎలాంటి రిజల్ట్ ని ఇస్తుందో. కాగా వెంకటేష్ ప్రస్తుతం ఎఫ్ 3 లో నటిస్తున్నాడు. వరుణ్ తేజ్ మరొక హీరోగా నటిస్తుండగా అనిల్ రావిపూడి దర్శకత్వం వహిస్తుండగా దిల్ రాజు భారీ బడ్జెట్ తో నిర్మిస్తున్నాడు.
Tenant OTT Release: ఓటీటీ సినిమాని థియేటర్లలో రిలీజ్ చేస్తున్న కమెడియన్.. క్లారిటీ ఇస్తూ కామెంట్స్..!