Narappa : నారప్ప.. వెంకటేష్ నటిస్తున్న తాజా చిత్రం. డి. సురేష్ బాబు – కలైపులి థాను సంయుక్తంగా నిర్మిస్తున్న ఈ సినిమాలో వెంకటేష్ కి జంటగా నేషనల్ అవార్డ్ విన్నర్ ప్రియమణి నటిస్తోంది. కోలీవుడ్ స్టార్ హీరో ధనుష్ నటించిన తమిళ సూపర్ హిట్ సినిమా ‘అసురన్’ కి అఫీషియల్ రీమేక్ సినిమాగా నారప్ప ని రూపొందిస్తున్నారు. క్లాస్ చిత్రా దర్శకుడిగా పేరు తెచ్చుకున్న శ్రీకాంత్ అడ్డాల ఈ సినిమాకి దర్శకత్వం వహించాడు. దాదాపు నాలుగేళ్ళ లాంగ్ గ్యాప్ తర్వాత నారప్ప సినిమాతో మళ్ళీ తన సత్తా చాటేందుకు రెడీ అవుతున్నాడు దర్శకుడు శ్రీకాంత్ అడ్డాల.
ఈ క్రమంలో రీమేక్ సినిమా అయినా కథ మొత్తం వెంకటేష్ ఇమేజ్ కి తగ్గట్టుగా తెలుగు ఆడియన్స్ కి నచ్చే అంశాలని జోడించి తెరకెక్కించాడట శ్రీకాంత్ అడ్డాల. ఇప్పటికే ఈ సినిమా మీద ప్రేక్షకుల్లో పాజిటివ్ బజ్ బాగానే క్రియేటయింది. ఇక పెళ్ళి తర్వాత కాస్త గ్యాప్ తీసుకున్న ప్రియమణి కూడా ఈ సినిమా సక్సస్ మీద చాలా నమ్మకం గా ఉంది. థమన్ మ్యూజిక్ సినిమాకి చాలా ప్లస్ అవుతుందని చెప్పుకుంటున్నారు. విలేజ్ బ్యాక్ డ్రాప్ లో తన భూమి కోసం .. తన కుటుంబం కోసం ‘నారప్ప’ ఏం చేశాడన్నది ఆసక్తి కరంగా చూపించబోతున్నారట.
Narappa : వెంకటేష్ నారప్ప కి కూడా దే పెద్ద ప్లస్ పాయింట్ కాబోతుందట.
ఇక ఇప్పటికే ఈ సినిమా చాలావరకూ చిత్రీకరణ జరుపుకుంది. వెంకటేష్ కెరియర్లోనే ఇంతవరకూ చేయని పాత్రలో నటిస్తుండగా.. ఇప్పటికే నారప్ప లుక్ తో అందరినీ ఆకట్టుకున్నాడు. ముఖ్యంగా పీటర్ హెయిన్ కంపోజ్ చేసిన ఫైట్స్ ఈ సినిమాకి హైలైట్ గా నిలవనున్నాయని అంటున్నారు. పీటర్ హెయిన్ కంపోజ్ చేసే ఫైట్స్ గురించి ఎంత చెప్పుకున్నా తక్కువే. ఆయన యాక్షన్ కొరియేగ్రఫీ సినిమాని మరో లెవల్ కి తీసుకు వెళుతుంది. ఇప్పుడు వెంకటేష్ నారప్ప కి కూడా అదే పెద్ద ప్లస్ పాయింట్ కాబోతుందట. ముఖ్యంగా క్లైమాక్స్ ఫైట్ అద్భుతంగా వచ్చిందని ఇండస్ట్రీలో టాక్ వినిపిస్తోంది. కాగా త్వరలో నారప్ప ప్రేక్షకుల ముందుకు రాబోతోంది.